Libeco-Lagae
From Wikipedia
Libeco-Lagae is een Mullebeeks bedryf. 't Is ne vlaswever en de grôotstn van Belgje. D'ondernemienge telt 200 werkers en voert ut noar bykan hêel de weireld, mé e grôot stik noar Amerika.
[bewerk'n] Geschienisse
Lik da de noame doe vermoedn, is de ondernemienge e fusie van twêe bedryvn: Libeco & Lagae. De soamnsmeltienge gebeurde in 1997 vôo e betre concurrensiepozisse te creërn.
Libeco wos ipgericht in 1864 in Mullebeke en wos in 't begun een ipslagplekke vôo thuus gewoovn lin'n. In Mullebeke werkte in dien tyde 65% van de bevolkienge vôor de vlasindustrie.
Lagae is een bitje êerder begon'n in 1858 in Kortryk. Zidre on vanaf 't begun ol un echte weverie. Ondertusn gebeurt de productie van de vlasweefsels hêllemolle in Mullebeke.
In 1997 èt Libeco-Lagae ôok het Amerikaanse bedryf Hamilton Adams overgepakt da gespecializeerd wos in decoroatiestofn. Hiermee èn ze nu ôok ne stevige stok achter de deure in Amerika en stoan ze sterker in't huusoudlin'n.
Sedert 2002 is de Kortrykse specioalzoake Van Acker ôok dêel van de groep. Zidre werk'n nog mêer gespecializeerde minsen die olle bordeursels met't and moakn en azô dus keun inspeeln ip specifieke vroagn van de iets gegoedre klantn.
[bewerk'n] Activiteitn
De activiteitn keundzje ipsplitsn in twêe grôte dêeln:
- Weefsels vôor techniese toepassiengn gelyk vôor schilderyn te bespan'n of zetels 't overtrekn.
- Weefsels vôor 't uusoudn gelyk anddoek'n, beddeloak'ns en klêern.
