Mullebeke

From Wikipedia

Gemêente Mullebeke
Meulebeke
Liggienge binnen het arrondissement Tielt in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Tielt
Liggienge	50°57' NB 03°17' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	29,35 km²
Inweuners (Bron: NIS)
Inweuners – Vintn – Vrown – Bevolkiengsdichtheid	10.980 (01/01/2006) 50,20% 49,80% 374 inw./km²
Leeftydsipbow 0–17 joar 18–64 joar 65 joar en oeder	(01/01/2004) 21,10% 60,83% 18,07%
Buutnlanders	0,87% (01/07/2005)
Weirklôoseidsgroad	5,93% (01/01/2006)
Polletiek
Burgemêester	Daniël Vanpoucke
Coaliesje	CD&V
Zetels CD&V VRIE sp.a	21 14 6 1
Dêelgemêentn me postcode
Postcode	Dêelgemêente
8760	Meulebeke
And're info
Zonenummer	051
Poliesjezone	{{{polz}}}
Webadres	www.meulebeke.be

Dit artikel es geschreevn in 't Mullebeeks, en da zoe best ozô bluuvn.

Mullebeke (officieel Nederlands: Meulebeke) is e gemêente in West-Vloandern.

Den beir van Meulebeke

[bewerk'n] Geskienisse

Den êeste kêer da ze Mullebeke mee noame vermeld èn, wos rond 1100. In dien tydde noemde Mullebeke = Mulenbeca. D'r is echtre ol gewag gemoakt van e kerke odoar in't joar 1000. In feite is de betjikenisse van de noame nie moeilyk te achteroaln. t'Goat em over e nederzettienge mê ne meulne an e beke (Devebeke).

Rond 1500 telde de gemêente om en bie de 2000 inweuners, wa in dien tydde nie winne wos.

De baronie van Mullebeke wos van 't ende van de 15ste jiwwe tot 't ende van de 18de jiwwe in't bezit van de familie de Beer. Ridder Jan de Beer, zegelbewoarder van hertog Karel de Stoute, wos d'n jistn. De familie weunde ip 't kastjil van Ter Borcht. Azo komt'et wok da Mullebeke een beir in ze skild voert.

t'Odste gebouw da me nog en in de gemjinte is de Kapelle van Oeze Lieve Vrouwe te Ruste in Moarlope. Moarlope is een prochie van Mullebeke en is in feite ontstoan rond die kapelle. Die kapelle is doar in de zestiende jiwwe gezet gewist deur ne telg van't geslacht De Beer. Die wos in de bussn rond Moarlope an't joagn toen dat ie wier overvoln van e wilde bêeste. Ie anriep Oeze Lieve Vrouwe en de bêeste liep weg. Ut dank et ie die kapelle doa ton gezet.

Mullebeke kende rond 1900 rond de 12 meulns. Vandoage skiet er jammergenoeg moa jin over, de reste èn ze moetn ofbrekn of zin kapotgeskotn gewist in de twji oorloogn. Dien die't er nog stoat noemt den Dèrnemeulne (Herentmolen) en is achter de Twjidden Oorlooge were ipgebouwd gewist me odde stikken van andere meulns. Tut 1992 wos't er nog nen twidn moa die è ze moetn ofbrekn vo de Randweg an te legn. Ze on de Bosterotmeulne (Bosterhoutmolen) geweune in stikn en brokn langs de boane geleid woa dat ie loag weg te vortn. Brugge èt de stikn gelukke ipgekocht en ze gerestaureerd. De meulne stoa nu ip de vestienge en is ommegedoopt gewist tut Koeleweimeulne. Mullebeke ligt noh oltyd in't Meulnland en de veloroute van't Meulnland ljopt er wok deure.

Mullebeke was in't midden van vôrige jiwwe bekend vôa de "messetrekkers". Oater iemand van buten de gemjinte probeerde te vrijen me n'meiske van Mullebeke, dan woarn de lokoale joengens nie benauwd om tussen te komen en zelfs me messen te vechten.

[bewerk'n] Prochies

Mullebeke is in de joarn tseevnte nie gefusioneerd gewist me andre gemjintn en is dus ip zin eign. D'r zin echtre wel 4 weunkern die elk ulder eign kerke en boasisskole èn. Me klapn ier ovre St. Amandus, 'd woafdprochie met ongeveer 8,000 inweuners, Moarlope, 't Veld en de Panders. De latste drie èn ongevere elk 1,000 inweuners. Ol't woppe 11,000 inweuners dus. De Panders lign ip't woahste punt van de gemjinte: 36.25 meetre. Van doar ut é je bie skwoan were utzicht over de Mandelvaleie en zie'j zelfs tut an de Klusberg an de Skelde.

[bewerk'n] Vermoak

D'êeste weke van juli ist er altyd veel ambiance op de platse omdat der olsan Bèrefjistn zin. 't Is vele te doen voar de kientjes en voar de joenge gastn. En oat ton doenker is zin der iptredens en vierwerk.

[bewerk'n] Ter Borcht

Ter Bort (Ter Borcht) is e recreoatie- en sportcentrum an de rand van de Mullebeekse weunkerne. Woa da je teegnwoorde voebolveldn en ol sportgebouwn et, wos't er vroeger aljinne ne mèès en't kastjil. Ze èn die stikn in de joarn tseevnte ipgewoogd en begost metn bouw. In feite is da compleks veel te grwoat vo e gemjinte gelyk Mullebeke mo da komt ton wok omdat er doar e midlboare sportskole is: de VILO. Da is iet uniek in Vloandern zeker deur't feit da 't internoat vwo de ljirliengn verplicht is. Ge kunt u doar onder andere specializeern in voebol, tennis, zwemn en peirdryn.

[bewerk'n] Bekende Mullebekenoarn

Letter minsen weetn dat de snelle VRT televisiemadam Evy Gruyaert van Mullebeke es. Ge goat et oak nie woarn. Ze's ip 11 ogustus 1979 geboorn en ze et in Mullebeke en in Tielt noa skole hewist. Ondertussn stoa ze wok ip veel minsn ulder ne iPod met eur jogging-skema. t'Is me spit da me moen vaste steln da ze nie mjir in't skwonne Mullebeke weunt...

Karel Van Mander is wok ne bekende Mullebekenaere die wa vroeger leefde dan oes Evy (1548-1606). Ie wost ie em skildre en dichtre.