Roularta

From Wikipedia

Roularta, of vollut gezei de Roularta Media Group es een bedrif dat actief es in de Media, vôorol in weekbload'n, gazettn en TV. Het bedrif es gevestigd in Roeseloare, moar eit ôok ofdêeliengn in Zellyk en Brussel. Doarnoast zin ze ôok nog actief in Vrankryk, Olland, Duutsland, Nôorweegn en Slovenje.

[bewerk'n] Geschiedenisse

In 1954 begoste Willy De Nolf een klêne utgeverie-drukkerie in 't centrum va Roeseloare, da twêe platselykke weekbload'n utbrocht: De Roeseloarse Weekbode en Advertentie. Deur uitbreidinge over de hêele regio wos in 1960 Roularta utgegroeid tot de grôotste utgever va midd'n West-Vloandern. De groep weirdt verder utgebreid, êest in West-Vloandern, en ton de reste van Vloandern en leidde in 1969 tot een iploage van mêer dan 1 miljoen exemploaren.

In 1971 kwaamn ze me een nieuw product: kwaliteitsmagazynes, 't best bekend es de Knack, moar andere producten woarn ôok van udder: Trends en Sport Magazyne. In 1972 nam Rik de Nolf, zeune van, de leidinge over. Vanaf ton zettn ze udder êeste stapp'n in de Woaln. Een aantol bekende noamn zin: Tendances, Le Vif /L'Express. Ondertussn koomn der ôok een aantal gespecialiseerde bloaden, vôorbeel Nest, een lyfestyle magazyne start in 2002.

Roularta oat ôok plann'n om in de audiovisuele weireld te goan: in 1987 stond'n ze mee an de wiege va VTM, de êeste commercieln omroep in Vloandern. Tot ip vandoage ein ze 50% van de andêeln in VMM (et moederbedrif va VTM). Ze zin ôok betrokk'n bie Kanaal Z, en de radio-zender Q-Music.

[bewerk'n] Productn

Een klêne greep ut et anbod:

Knack/Weekend Knack/Focus Knack: drie magazynes voe de pries van êen
Trends: voe de beleggers
Royals: olles over 't keuningsuus
Bizz: olles da je moe weetn voe goe zoak'ns te kunn doen
Cash: voe de zoak'nmenschn
Plus Magazyne: e magazyne voe fiftigplussers, Plus Magazyne wordt wok uutgegeevn in Olland
Casas: vroeger oender de noame 'Ik Ga Bouwen'
Sport/Voetbalmagazyne
Nest:'t blad da leeft met de seizoenn
De Huisarts: nieuwsmagazyne voe de dokteurs
Grande: voe de die die geirn up reize goan
Gentleman: e magazyne voe de vintn
Steps City Magazyne
De Krant van West-Vlaanderen
De Zondag: een groatis gazette bie de pistolets ip zundagnuchtnd
De Streekkrant/De Weekkrant, Tam-Tam, 't Fonteintje, De Wegwijzer
Easy.be: oe je etwa zoekt, doa goa je 't viend'n