Slag by Axpoele
From Wikipedia
De Slag by Axpoele was de veldslag tuss’n Diederik van den Elzas en Willem Clito (ook soms Willem van Normandië genoemd) ip 21 juni 1128. Axpoele is teg’n woordig een ge'uchtje van Ruuslee.
[bewerk'n] Anleidieng
Den 2de moarte van 1127 wer Karel de Goede vermôord in de Sint-Donoaskerke in Brugge. Omdat ie gin ipvolgers aad duude de keunink van Frankryk ip 23 moarte den Normandiër Willem Clito an ols nieuwen groaf van Vloand’ren. Da was stief tegen de goeste van de Vlamse stee’n Brugge en Gent en ziender benoemdigen Diederik van den Elzas ols nieuwen groaf. Dodeure kwaam’n der verschill’nde veldslagen.
[bewerk'n] Willem wint de slag
In de Slag by Axpoele olde Willem Clito de overwinninge omdat ie den dag te vôoren ol een terringverkenninge a kunn’n doen en omdat ie tewet’n was gekomm’n da Diederik me oengeveer 300 ridders was en oengeveer 1500 man voetvolk. Willem Clito aad oengeveer 450 ridders en ook vele voetvolk en zun taktiek was dat ie een dèèl van ze mannen achter een euvel wegstak vor ip een beslissend moment toet groate surprise van Diederik an ’t gevecht te loaten meedoen. Diederik kost ip tyd vluchten.
[bewerk'n] De gevolgen
Willem Clito wer een moand loater binst et beleg van Oalst gedôod en azo wer Diederik van den Elzas toch den ipvolger van Karel de Goede. ’t Was den èèste kè dan de Vlamse stee’n under wille kosten ipleggen in een politieke kwestie.
