SV Zulte Waregem
From Wikipedia
SV Zulte Waregem (SV Zulte Woaregem) is e Belgische voetbolclub uit Waregem en Zulte. De club oentstoend in 2001 duur de fuusje van 't Oost-Vlamse Zultse VV en 't failliet West-Vlamse SV Waregem. In 2005 promoveerde ze voe d'eejste kêe noa d' Êeste Klasse. De club is bie de KBVB ageslootn met stamnummer 5381 en de clubkleurn zie groen-geel-rôod.
Inoud |
[bewerk'n] Geschiedenisse
[bewerk'n] KSV Waregem
Bie 't artikel KSV Waregem vien je mêer uutleg over KSV Waregem
KSV Waregem was in 1946 uut de fuusje van Waregem Sportief (da ol van 1925 bestoend) en Red Star Waregem. De fusieclub slôot em an bie de KBVB en kreeg stamnummer 4451. Z'addn rood-wit voe kleurn, en speelden in 't Regenboogstadion. Van 1966 toet 1996 speeldehe ze in de Êeste Klasse, juuste oenderbrook'n deur twi kêern e sizoen in Twidde Klasse. In 1985/86 addn ze ôok in Europa succes, ton da ze d'oalve fynales van de UEFA Cup oalden. Z'en ôok e Belgische Beker en Supercup ip under erelieste stoan. Ip 't ende van de joaren 90 zakte de ploeg echter were noa Twidde, en in 1999 belandehe ze deur fynanciële miseerê in Vierde Klasse.
[bewerk'n] Zultse VV
In 1950 is in Zulte de club Zulte Sportief ipgericht, dat em aanslôot bie de voetbolbond. De club a' stamnummer 5381. De club fusioneerde in 1976 mè SK Zulte (dat in 1947 was ipgericht en stamnummer 4683 ad) toet Zultse VV. Die fusieclub klom in de joaren 90 ip in de nationoale reeksn. Achter e poar joar Bevorderynge speelde de club van 1995 toet 1997 ol twêe sizoen'n in Derde Klasse. Zultse moest echter iedere kêe een eindronde speeln teegn de degradaasjee. 't Twidde seizoen gerochtn ze nie deur die eindronde en de club zakte voe twêe sizoen'n were noa Vierde Klasse. In 1999 promoveerde Zultse weerol; 't seizoen derip oalde ze zels d'eindronde, moa de ploeg verloor in e wedstried voe de derde plekke en miste azo nipt de promoosje noa Twidde Klasse.
[bewerk'n] Fuusje
KSV Waregem fusioneerde in 2001 mè Zultse VV toet SV Zulte-Waregem, waarbie da ze 't stamnummer van Zultse (5381) blêevn oed'n. 't Stamnummer 4451 van KSV Waregem is tonne defynitief heschrapt hewist. De fusieclub verhuusde noa 't Regenboogstadion va Woaregem en gieng van start in Derde Klasse, woa da Zultse 't seizoen voddien a gespeeld. Zulte-Waregem speelde doa subiet kampioen in ze reekse. Wat dus nie gelukt was voe Zultse 't joar tevoorn, lukte nu wel voe de fusieclub Zulte-Waregem: e promoosje noa Twidde Klasse. 't Eerste sizoen dwoeng ze doa sebiet een eindronde of, moa ze werdn doa twiddn in. Twêe sizoen'n loater werd Zulte-Waregem ofgetekend kampioen in Twidde Klasse. Zulte Waregem kost azo noa d'Êeste Klasse in 2005, voe 'n êeste kêe in de geschiedenisse van 't stamnummer 5381 en 10 joar achter da KSV Waregem was verdween'n uut de oogste reekse. Ip de 13 meie 2006 speelde Zulte Waregem in de bekerfynale teegn Moeskroen, woen met 2-1 en pakte zo zn êeste grôte pries.
[bewerk'n] Erelieste
- Bie 't artiekel KSV Waregem vien je d'erelieste van KSV Waregem
Zulte Woaregem droagt het stamnummer 5381 van 't vroegere Zultse en is dus eigenlyk de vôortzettienge van die club. KSV Woaregem speelde met 't stamnummer 4451, da geschrapt is. De fusieclub Zulte Woaregem kan zodus gin anspraoke moak'n ip d'erelieste van 't vroegere KSV Woaregem.
Beker van Belgje
- winnoare (1): 2006
