The Ramones

From Wikipedia

The Ramones wos een Amerikoanschn punk-rockgroep.

Inoud

1 Geschiedenisse
2 Typisch Ramones
3 Discografie
4 Externe koppelienge

[bewerk'n] Geschiedenisse

In 1974 kwamn 4 joenge gastn uut Queens New York tope om muziek te moak'n: Joey (zanger), Johnny (gitaar), Dee Dee (bas) e Tommy (drum). Da wos te vulln in de periode van de disco, moa disco wos nunder genre nie. Dee Dee won 'n êestn die ze zelvn "Ramone" noemde. En ol d'ander dein nem achter. De noame Ramone komt eigentlyk va Paul Mc Cartney van The Beatles: a Mc Cartney in een hotel kwam, gebruuktnde e voalsche noame: Paul Ramone.

In 1976 moak'n ze nunder êeste ploate: Ramones. Nunder stil va muziek is: korte nummers, styf zêre en voerol lude speeln.

De groep et dikkers veranderd va opstelling. Marky Ramone gienk weg in 't begun va de joarn '80 (e wos mêer droenke of nuchter) en in zie plekke kwam Ritchie. In 1987 goenk Ritchie zelve weg. Op 't moment da Marky stopte mè drink'n muchnde were kêern in de groep. In 1989 goenk Deed Dee, die ol de songs schrêef, weg voer e solo-carrière (die ol gèn kantn marcheerde).

De Ramones stopnde in 1996. Z'en vele gastn kun beïnvloen, moa toch en ze nôojs vele ploatn verkocht. In 2001 gink Joey Ramone dôod. In 2002 Dee Dee Ramone. In 2004 Johnny Ramone.

[bewerk'n] Typisch Ramones

Typisch voe nunder is de zinnetjes die ze overol en ossan tusschn smietn: Gabba Gabba Hey en oek Hey Ho, Let's Go. Op live optreedns begunt de zanger oek ossan mè te zeggn: one-two-three-four.
Nunder imago is oek speciaal: z'haddn ollemoale e zwort leern vestje an, nunder hoar wos slykevet, e ze veroernde va gè vinne azze optraadn.