Vienkezettieng
From Wikipedia
E vienkezettieng is e wedstryd woaby da eigenoars van vienkn optêekn oevele kêers da nunder veugel schufelt. 't Is e sport die redelik populair is in West-Vloandern, in 't bezoender by gepensioneerde menschn.
Inoud |
[bewerk'n] Oe goat et in ze werk?
D'eigenoars (vienkeniers) zettn nunder kôoitje mè nunder vienke (e mannetje) geweune op stroate. Idder kè da de vienke ze typies liedje schufelt (suskewiet) meug je e striptje zettn mè kryt op e stok. Let wel: de vienkeniers controleern ossan de vienke van nunder gebeur; nôois van nunder zevve. 'n Veugel die achter e bepoaldn tyd 't mêest eschufeld et, wint.
De pryzn zin belange ni zo grôot lik by de duvesport: tien euro winste is ol vele geld.
[bewerk'n] Geschiedenisse
Volgens geschiedsschryvers bestoat de sport zekers ol sedert 1595: d'r zin spôorn van e vienkezettieng in Yper. In 't begun woarn de kôoin moa klêne ('kattebete' noemn ze ze). Moa nu zien de omstandigheedn styf verbeterd. Oek vroeger, toen da de menschn nog ni zo styf begoan woarn mè de bêestjes, duvnde ze nunder vienke oek blend moakn: azo wos'n miender ofeleid. Dat is verboodn sedert 1916, deur de Duutschers. Dat wos ten ander ni nôdig: de kôoi e bètje doenkerder moak'n is ol enoeg om 'n veugel te doen schufeln.
[bewerk'n] Achteruutgang
D'r zou nog mêer of 20.000 vienkezetters zin, moa de sport is an 't achteruutgoan: weinig joenge gastn zettn de tradisje vodder. Verzekerst oek om da je 's zundag 's nuchters styf vroeg moet opstoan: dikkers moej je ol roend 7u30 inschryvn a de zettieng begunt 't neegn.
[bewerk'n] Museum
D'r bestoat in hêel de weireld moar êen Vienkemuseum. Da stoat in Ulste (dêelgemêente van Oarelbeke).
