Zalouzie
From Wikipedia
Zalouzie (Nederlands : vliegenhor) of ôok wel zjallezie en jalouzie utgesproken es een constructie daj in je veister moe steek'n zôdat'er gêen bêestjes binnen koomn setou at avond begunt te zyn en in de zomere. 't Vôordeel es daj ton toch jen kamer of jen uus kunt verluchten zonder s'uchtends ip te stoan met elvendertig muggebeetn want ton zit je den hêlen dag met jukte en a je ton nog nekêe begunt te schartn mak jet allêne moar erger.
Normoal gezien mak je een zalouzie skône ip moate met de chambrangs , ze bestaat uut out, plastiek of yzre. Aj da gedoan et ton moej nog een nette aan dien koader monteern met vreend klêne goatjes zodat de bêestjes der natuurlijk niet deure kunnn. Sommigste gebruuk'n ôok e zalouzie om vôo under achterdeure t'angn. Ton angn ze doar wel mêestal ne resor an die der vôor zorgt dat die zalouzie(deure) van 't zelfst were toesloat achter jen gat.
