Drapea del Nouve Zelande
Èn årtike di Wikipedia.
Li drapea del Nouve Zelande a stî introdût e 1869, eyet adopté come drapea nåcionå e 1902. C' est li bleuwe essegne (on bleu drapea avou li drapea brtanike -- l' Union Jack -- metou el canton (li coine a hintche et å hôt)), eployî pa l' impire britanike, avou sol droete cwate rodjès stoeles boirdêyes di blanc.
Li drapea britanike riprezinte l' eritance britanike del Nouve Zelande (ki fwait pårteye do Commonwealth). Les cwate sitoeles a cénk pontes riprezintès li Croes do Sud, la ki l' payis si trove e l' emisfere sud.
Li drapea rishonne li ci di l' Ostraleye, ki lu a totes blankès stoles.
Di 1867 a 1869 les bateas noû zelandès eployènt on drapea foirt rishonnant å drapea d' asteure, avou les letes N Z e rodje coleur avou ene blanke boirdeure el plaece des stoeles
[candjî] Difoûtrinnès hårdêyes
- Pådje sol drapea, sol waibe do ministere del culture ey del Eritance del Nouve Zelande (en inglès)
- Drapeas istorikes del Nouve Zelande (en inglès)
- Drapeas maworis (en inglès)
