Hestape
Èn årtike di Wikipedia.
Hestape (F. Herstape ), c' est èn ancyin ptit ban del Flande, astok del Walonreye, rebané avou ?, el province do Limbork. Ça a stî lontins li pus ptite comene del Beldjike.
- Limeros del posse :
- asteure : 3117
- davance : 3714
- Limero diyalectolodjike : W 17 (pask' i gn aveut co des walon-cåzants diviè 1920).
- Arondixhmint : Tongue
Po l' etimolodjeye et les vîs scrijhas, riwaitîz dins l' esplicant motî.
Ådvins |
[candjî] No di des plaeces di Hestape
Sacwants nos d' plaece di Hestape sont e walon dins les vîs papîs.
- Li voye do Moustî (la-minme, dinltins, li vôye dè Mostî, asteure Kerkstraat / rue de l'église)
- Li voye des Leus
- pré del bam (dins les vîs papîs dispu 1583) (ridoblete do flamind "bampt", pré)
- å Piroe (la-minme : Pîreu, Fl. "op de Piereu)
- Li ptite campagne (fl. 't klein Veld), a Bijhe do viyaedje, astok di Russon.
- al Tchapele (Fl. "aan de Kappel, aan het heilige huiske) : voye del tchapele Sinte-Croes, so Russon.
- li grande voye del Tchapele (Fl. Hoolstraat)
- li tombe (Fl de Tom) : tomboe metou sol Wedje.
- li campagne del tombe (Fl. Tomveld)
- å dzeu l' tier (Fl. Op den Berg)
[candjî] Djeyografeye
Pitit viyaedje metou a Bijhe di Viyé l' Eveke et d' Odeur, dilé l' Wedje.
[candjî] Istwere
Li signorreye d' Hestape dipindeut do Tchapite Sint-Djhan d' Lidje. Ele esteut administrêye avou l' cene di Cmexhe.
[candjî] Istwere des lingaedjes
Les vîs papîs des scabins (dispoy li 14inme sieke) sont e scrîta francesse. Eto les papî del Coû d' Djustice (dispoy li 15inme sieke). Ey ossu les redjisses des pårotche. On n' trove k' e 1592 li ratournaedje e flamind d' èn ake di djustice. E 1557, gn a on bay (stuyt) k' est prezinté al Coû "translaté di tîxhon e walon".
Davance, les abagants flaminds aprindént l' walon. Mins moens al fén do 19inme sieke.
Dimorants :
| Anêye do rcinsmint | Nombe di Walons | Nombe di Flaminds |
| 1846 | 126 | 9 |
| 1866 | 121 | 23 |
| 1880 | 104 | 20 |
| 1900 | 65 | 76 |
| 1920 | 71 | 57 |
| 1930 | 51 | 63 |
Li comene a passé eviè l' Province do Limbork e 1935.
[candjî] Rilidjon
L' eglijhe di Hestape dipindeut del cen di Russon.
[candjî] Tuzance walone
Li walon d' Hestape a stî studyî pa J. Herbillon dins ses tournêyes sol Hesbaye.
L' accint walon rishonne å ci des ôtes viyaedjes del Hesbaye. Gn a des calcaedjes do flamind, come bék.
L' oyon AN/ON est prononcî ON (li gronde voye del Tchapele).
