Limero del posse
Èn årtike di Wikipedia.
On limero del posse, c' est on limero k' on mete so les adresses des letes ete des colis, divant li no do viyaedje u del veye, po-z aveur pus åjhey dins l' triyaedje des letes dins les cintes del posse.
[candjî] Les limeros del posse el Walonreye
Les prumîs limeros del posse ont stî dnés e 1969. C' est des limeros avou cwate chifes. Totes les ancyinnès comenes d' adon end on yeu onk.
Ås grands rebanaedjes, li prumî d' djanvî 1977, a-st avou des noveas limeros po bråmint des comenes, sovint l' minme po tote li comene (mins nén todi). Les limeros del province di Nameur kiminçnut pa 5, les cis del province di Lidje pa 4. Les cis del province do Lussimbork et do Hinnot pa 6. Les cis do Roman Payis pa 1.
Les ôtes redjons del Beldjike Flande, Brussele ont yeu les minmes candjmints administratifs.
[candjî] Limeros del posse dins des ôtes payis
- Å Marok, gn a des limeros del posse dispu diviè 1980. C' est on limero avou 5 chifes, come pol France. Li prumî chife est 1 pol redjon d' Rabat, 2 po Caza, evnd. Mins gn a waire di djins k' els eploynut, et co moens ki sårént dire li limero del posse di leu veye u viyaedje.
- Å Canada, c' est des limeros avou des letes.
