Ierland
vanuit Wikipedia, die vrye ensiklopedie.
Ierland (Iers-Gaelies: Éire, Engels: Ireland) is die derde grootste eiland in Europa en die mees westelike van die Britse Eilande, met 'n lengte van 450 kilometer, 'n breedte van 260 kilometer en 'n totale oppervlak van 84 421 vierkante kilometer. Die eiland, wat dikwels ook die "Groen Eiland" genoem word, lê tussen die Atlantiese Oseaan en die Ierse See.
Die onafhanklike Republiek van Ierland met 4,1 miljoen oorwegend Rooms-Katolieke inwoners beslaan vyf sesdes van Ierland se oppervlak, terwyl Noord-Ierland met 'n oorwegend Protestantse bevolking van 1,7 miljoen een van die Verenigde Koninkryk se vier deelstate is.
[wysig] Geografie
Die laagliggende vlaktes van Sentraal-Ierland met hulle groot aantal mere, waaronder die bekende Lough Neagh in Noord-Ierland, word deur bergreekse langs die kusgebiede omsluit. Carrauntuohill (Iers: Corrán Tuathail) in die Macgillicuddy's Recks van Suidwes-Ierland is die hoogste bergspits met 1 041 meter. Die Shannon is met 'n lengte van 386 kilometer die langste rivier van Ierland. Die matige klimaat en gelykmatige reënval bevorder die plantegroei, en danksy die sappige groen weivelde staan Ierland ook as die "Groen Eiland" bekend.
Ierland beskik oor 'n aantal nasionale parke dwarsoor die eiland.
[wysig] Flora en fauna
Ierland het in die algemeen 'n kleiner aantal spesies as byvoorbeeld sy oostelike buureiland Groot-Brittanje of die Europese vasteland, aangesien die eiland ná die einde van die Ystydperk deur die stygende waterpeil van die Atlantiese Oseaan baie vinnig geïsoleer is. Daar is net 31 inheemse soogdierspesies, waaronder dasse, vosse en krimpvarkies. Bepaalde spesies soos die edelhert word egter slegs in die nasionale parke aangetref. Ierland is ook een van die min gebiede, wat nie oor inhemse slangspesies beskik nie.
[wysig] Sien ook
- Geskiedenis van Ierland
 |
Keltiese gebiede in Europa |  |
|---|---|---|
