Johan Degenaar

vanuit Wikipedia, die vrye ensiklopedie.

Inhoud

1 Biografie
2 Bibliografie
3 Bronne
4 Eksterne Skakels

[wysig] Biografie

Johannes Jacobus Degenaar is op 7 Maart 1926 in Ladysmith, Natal gebore. Hy studeer vanaf 1943 teologie en filosofie aan die Universiteit van Stellenbosch. In 1948 behaal sy MA-graad in 1948, met die titel Kennis as Lewe, onder leiding van professor Freddie Kirsten. Hy studeer ook verder in Duitsland, Brittanje en Nederland waar hy ’n doktorale skripsie oor Max Scheler se etiek onder Helmuth Plessner skryf. In 1951 behaal hy sy doktorsgraad onder leiding van Kirsten op Stellenbosch oor Die herhaling van die vraag na die filosofie.

Sedert 1949 is hy dosent in die filosofie aan die Universiteit van Stellenbosch. Hy word in 1969 as professor en later as Departmentshoof aangestel. 'n Rol wat hy tot sy aftrede in 1991 vervul het.

In die 1950’s bemoei Degenaar hom hoofsaaklik met ontologiese, estetiese en teologiese werk in die filosofie. Hy doseer oor die werke van Søren Kierkegaard en deur sy kursusse en skrywes oor Albert Camus en Martin Heidegger stel hy Suid-Afrikaners aan die eksistensialisme bekend. Hy benader sy lewe en werk met die Sokratiese stelling dat 'n "Ongeëksamineerde lewe is nie die moeite werd om te lewe nie."

Hy skryf ook politiese en etiese dilemmas binne die Suid-Afrikaanse samelewing en word 'n uitgesproke kritikus van die Apartheidsideologie. Na botsings met die owerhede van die Nederduitse Gereformeerde Kerk word hy uit die Filososofiedepartement gehaal en in ’n eie Departement van Politieke Filosofie word onder sy voorsitterskap geskep. Hy bevraagteken die twintigste-eeuse ideologieë van nasionalisme, liberalisme en sosialisme en ondersoek die lewensvatbaarheid van 'n plurale demokrasie in Suid-Afrika.

Hy skryf ook oor etnisiteit, geweld en Afrikanerdenke.

Hy word met die Stals prys in 1984 en die N.P. van Wyk Louw medalje in 1998 bekroon. Die Universiteit van Port Elizabeth (1997) en Universiteit van Stellenbosch (2001) ken ook eredoktorsgrade aan hom toe.

Hy is getroud met Jetty Maria, née Houtman, en het twee seuns, Hans and Marc. Hulle woon in Stellenbosch.

[wysig] Bibliografie

Eksistensie en Gestalte (1962)
Die Sterflikheid van die Siel (1963}
Op Weg na 'n Nuwe Politieke Lewenshouding (1963)
Evolusie en Christendom (1965)
Die Wêreld van Albert Camus (1966)
Sekularisasie (1967)
Bewegung Uitwaarts in samewerking met W. A. de Klerk en Marthinus Versfeld (1969)
Moraliteit en Politiek (1976)
Christian Responsibility in South Africa's Plural Society (1978)
Voorbestaan in Geregtigheid: Opstelle oor die politieke rol van die Afrikaner (1980)
The roots of Nationalism (1982)
Keuse vir die Afrikaner (1982)
The concept of violence
Ideologies: ways of looking at South Africa