Laurika Rauch
vanuit Wikipedia, die vrye ensiklopedie.
Laurika Rauch (Kaapstad) is 'n Suid-Afrikaanse sangeres. Sy is één van die bekendste kontemporêre sangeresse in Afrikaans. Sy sing ook in Engels.
Inhoud |
[wysig] Lewensloop
Rauch studeer in die jare sewentig drama aan die Universiteit van Stellenbosch. Reeds tydens haar studie tree sy op Suid-Afrikaanse televisie op, onder andere met toonsettings van Ingrid Jonker se gedigte. Gedurende hierdie jare begin sy ook naam te maak as vertolker van die werk van die Brussel se liedjieskrywer, Jacques Brel.
In 1979 word haar vertolking van Koos du Plessis se "Kinders van die Wind" 'n treffer. Sy tree ook buite Suid-Afrika op in onder meer België, Nederland, Engeland, Tsjeggië en Duitsland.
Laurika Rauch is getroud met die liedjieskrywer Christopher Torr. Die egpaar het twee kinders, Nina en Simon.
[wysig] Albums/Produksies
- Debuut (1979)
- 'n Jaar in my lewe (1980)
- Vir Jou (1981)
- Jy is te dierbaar (1983)
- Laurika op Versoek (1985)
- Encore! Laurika (1988)
- Stuur Groete aan Mannetjies Roux (1990)
- Grootste Treffers Volume 1 (1991)
- Die Gang (1992)
- Hot Gates (1995)
- Grootste Treffers Volume 2 (1996)
- The Brel Album (1997)
- 19 Treffers van 21 Jaar (1999)
- Die mense op die Bus (1999)
- Hei mevrou Brown (dit gaan goed) (2000)
- Vier Seisoene kind (2002)
- My ou Tante Koba (2004)
- Die nuwe Trefferalbum (2004)
