Robbeneiland
vanuit Wikipedia, die vrye ensiklopedie.
Robbeneiland is 'n eiland 12 kilometer vanaf die kus van Kaapstad, Suid-Afrika. Die eiland het 'n tipiese Karooklimaat ten spyte daarvan dat dit so naby aan Kaapstad, wat 'n Meditereense klimaat het, geleë is. Die koue Benguelaseestroom is daarvoor verantwoordelik.
Dit was eerste bewoon duisende jare terug toe die waterkanaal wat dit huidiglik van die land skei nie onder water was nie. Vanaf die einde van die 17de eeu was Robbeneiland gebruik om sekere individue te isoleer, grootliks as 'n tronk, en onder sy eerste permanente inwoners was politieke leiers van verskeie Nederlandse kolonies — nie net van Suid-Afrika nie, maar ook uit Indonesië. Vanaf 1836 tot 1931 is dit as 'n melaatse kolonie gebruik, en in die 20ste eeu het dit bekend geword as 'n tronk vir politieke gevangenes. Merkbaar onder hierdie was Nelson Mandela, Walter Sisulu, Govan Mbeki en Robert Sobukwe.
Die hele eiland word deur die staat besit, met die uitsondering van die kerk.
Vandag is die eiland 'n gewilde toeristebestemming, en is in 1999 as 'n Wêrelderfenisgebied verklaar. Dit kan per veerboot vanaf die Victoria & Alfred Waterfront bereik word, en is dwarsdeur die jaar oop, afhangende van die weer.
