Wikipedia:Wikinuus

vanuit Wikipedia, die vrye ensiklopedie.

[wysig] Wikinuus

Ek weet nie of dit al bespreek is hier nie, maar ek sal graag die moontlikhede, ondersteuning of teenkanting teen so 'n projek wil aanhoor. Baie dankie. Mr. Anonymous/^{Besprekingsbladsy} 14:28, 20 Januarie 2006 (UTC)

Ek het nie in beginsel 'n probleem daarmee nie, ek is twee bekommernisse:

1. Kan dit werk - ons sukkel maar nog bietjie met die ensklopedie waar dinge stabile is - is daar regteig genoeg belangstellende maannkrag om wikinuus in Afrikaans te laat werk. Ek het nog nie juis gaan check nie, maar ek verstaan Wikinews is oor die algemeen nog nie 'n wegholsukses nie.
2. Ek dink daar is 'n groter behoefte aan iets soos 'n Afrikaanse ensiklopedie as nuus. Ons het heel skaflike koerante in Afrikaans maar sover ek weet is daar deesdae nie tans 'n kommersiele ensiklopdie in Afrikaans nie.

Dit gesê moet mens natuurlik doen wat jou passie is - dlk is daar meer mense wat wel websjoernalsitiek in Afrikaans wil doen as wat ek vermoed. Dit sal jammer wees as ons jou flukse nuwe bydares hier verloor...

Laurens 14:48, 20 Januarie 2006 (UTC)

---

Baie dankie vir jou terugvoer. Ek verstaan dat daar sekere struikelblokke is, en gaan wees. En ek stem saam dat daar "skaflike" Afrikaanse koerante is. Ek verstaan ook die nood van 'n Afrikaanse ensiklopedie, en is glad nie van plan om op te hou met my "flukse nuwe" bydraes nie. Afrikaans is my passie, en ek sal sover moontlik, aanhou om bydraes te maak tot enige van die Afrikaanse Wikiprojekte. Met my top-prioriteite natuurlik Wikipedia, en indien dit goedgekeur word en deurgevoer word, Wikinuus. Ek het gaan inloer by die ander Afrikaanse Wikis, en dit lyk asof Wikipedia die enigste effektiewe Wikiprojek is. Wikiboeke en Wikiquotes, onder andere, in Afrikaans, is in 'n slegte toestand, na my mening. (Ek is jammer as ek enige bydraers tot die projekte genoem te na kom, maar dit is 'n persoonlike opinie.) Ek kan daar bydraes maak, en poog om dit te verbeter, maar dit sal nie met die passie en drif wees soos hier op Wikipedia nie, omdat dit nie my belangstellings prikkel nie.

Ek persoonlik dink ook Wikinuus sal en kan werk. Ja, daar is ander deuglike Afrikaanse nuusbronne. Maar dit is nie bronne wat, na my mening, neutraal is nie. Afrikaans benodig 'n behoorlike onafhanklike nuusbron. Daar is pogings daarvoor. Maar dit geniet nie nagenoeg soveel publisiteit soos die meer gevestigde en staatsbeheerde (ek sê dit nie in terme van staatsbesit op hierdie bronne nie, maar in terme van 'n hewige infiltrasie van propaganda vanaf die staat en ander instellings) bronne nie.

Daar is 'n baie goeie onafhanklike Engelse nuusbron, en dit is ook my nuusbron van keuse. Die Engelse Wikinews vaar betreklik goed, veral in vergelyking met ander Wikinews projekte. Onder andere die Arabiese een, wat, sover ek weet, 16 artikels het. Wikinews het op hierdie stadium oor die 5000 bydraes, en is 'n baie aktiewe gemeenskap. Sal daar belangstelling wees in 'n Afrikaanse Wikinuus? Soos die Engelse sê: only time will tell. Ek dink nie die wat Wikipedia voorgestel het, in Afrikaans nou, het hulle bekommer oor die aftrek wat dit sou geniet nie, maar eerder oor die feit dat dit 'n vrye Afrikaanse ensiklopedie sal wees, wat die Afrikaanse taal sal bevorder. En hierin lê my ideale vir Wikinuus. Die bevordering van 'n onafhanklike, Afrikaanse nuusbron, en tog 'n nuusbron wat nog altyd in lyn is met die goed-gestruktureerde Wikipedia neutraliteitsbeleid.

Mr. Anonymous/^{Besprekingsbladsy} 15:08, 20 Januarie 2006 (UTC)

• Hier is van die vertaalde sjablone en bladsye soos verlang deur meta. Kyk gerus daarna, ek sal ook terugvoer waardeer. Dankie. Mr. Anonymous 17:38, 20 Januarie 2006 (UTC)/^{Besprekingsbladsy}

Al die pre-launch dokumente is klaar vertaal. Daar is nog 'n paar dinge wat gedoen moet word, maar eers gedoen sal kan word sodra dit op die af.wikinews.org webwerf geplaas kan word.

Stem asseblief hier vir of teen die voorgestelde projek. Dankie. Mr. Anonymous 22:42, 20 Januarie 2006 (UTC)/^{besprekingsbladsy}