Eugen Dieth
Us der alemannische Wikipedia, der freie Dialäkt-Enzyklopedy
 |
Dialäkt: Züritüütsch |
De Eugen Dieth (* 1893; † 1956; Prof. Dr., Anglischt und Dialektoloog) isch bekannt für sini Biiträg zur tüütschschprachige Phonetik.
[ändere] Läbe
Vo 1927 bis 1956 Profässer für Änglischi Philologii an de Universität Züri.
[ändere] Laischtige
De Eugen Dieth hätt im Jaar 1938 s Buech Schwyzertütschi Dialäktschrift usegää, i demm er e Norm für t Schriibwiis vo de Schwiizer Dialäkt entwicklet hätt, wo mer hütt als Dieth-Schriibwiis kännt. Nach sinere Orthografii gilt, dass t Wörter esoo geschribe werded, wie mer si uusgschpricht, also ohni Rücksicht ufs gewonnti Schriftbild im Hoochtüütsch. Will s sich dadebi um en einheitlichi Luutschrift handlet, chönd t Bsunderheite vo de verschidene alemannische Dialäkt erfasst wärde. Em Dieth sini Schriibwiis hätt sich, wie au di Bärndütschi Schrybwys, als Standard i de Schwiizer Mundart-Orthografii duregsetzt.
Im Jaar 1950 isch sis Buech Vademekum der Phonetik erschine, wo hütt en Klassiker vo de tüütschschprachige Phonetik vom 20. Jahrhundert isch.
[ändere] Schrifte
- Schwyzertütschi Dialäktschrift. Leitfaden einer einheitlichen Schreibweise für alle Dialekte. Zürich 1938
- Vademekum der Phonetik. Phonetische Grundlagen für das wissenschaftliche und praktische Studium der Sprachen. Bern 1950
[ändere] Verwiis
- Literatuur vo und über Eugen Dieth im Kataloog vor DDB
- Dialäktschriibig i de Schwiiz und in Luxemburg
| Persoonedaate | |
|---|---|
| NAME: | Dieth, Eugen |
| ALTERNATIVNAMEN: | {{{ALTERNATIVNAMEN}}} |
| KURZBESCHREIBUNG: | Phonetiker |
| GEBURTSDATUM: | 1893 |
| GEBURTSORT: | {{{GEBURTSORT}}} |
| STERBEDATUM: | 1956 |
| STERBEORT: | {{{STERBEORT}}} |
