Jahrtausend

Us der alemannische Wikipedia, der freie Dialäkt-Enzyklopedy

Technische Yschränkung:
Dr koräkt Titel wär: »Jahrtuusig«

Als Jahrtuusig oder Millennium bezeichnet mer d Ziitspanne vo eintuusig Jahr.

Nach dr gmeinhii verwendete Ziitrechnig hät s dritte Jahrtuusig mit em 1. Januar 2001 aagfange und wird mit em 31. Dezember 3000 uufhöre (Jahrtuusigwendi). Dr Grund liit det, dass nach dere Ziitrechnig au s erschte Jahrtuusig mit em 1. Januar im Jahr 1 aagfange hät und mit em 31. Dezember im Jahr 1000 uufghört hät. (Lueg au d Artikel Jahr null und Zuupfahlproblem.)

Richtet mer sich degege nach dr Astronomische Ziitrechnig, so hät s dritte Jahrtuusig mit em 1. Januar 2000 aagfange und wird mit em 31. Dezember 2999 uufhöre. So isch s Jahr 2000 au zu recht (meischt unbewusst) als s „Millenniumsjahr“ gfiiret worde. Di Fiirlichkeite für das Millenniumsjahr händ – natürlich – i dr Silveschternacht vom 31. Dezember 1999 zum 1. Januar 2000 aagfange. Mathematisch betrachtet isch di "richtig" Zählwiis abhängig vom gwählte Axiom, sprich bi dem Problem vo dr willkürlich gwählte Ziitrechnig.

Im Zahlesyschtem ended di erschte Zähner mit dr Zahl 9, di zweite Zähner fönd mit dr Zahl 10 aa. Drum hät d Zahl 10 ja auch zwei Ziffere, nämlich a dr erschte Stelle "1" für en volle Zähner und a dr zweite Stell "0" für null Einer. Entsprechend gilt das au für dn Tuusiger.

Für den Jahrtuusigwechsel im Kalender wird zwar korrekt argumentiert, dass es keis Jahr null gää hät, jedoch wird verchännt, dass es im Mittelalter mehreri Kalenderreformen gää hät, wo ganzi Mönet weggfalle sind. Mit dere Argumentation hett mer de Jahrtuusigwechsel also nöd am 31. Dezember fiire dörfe, sondern erscht einigi Mönet später.

Wil das jedoch sehr unverschtändlich gsii wäri, isch bi de Fiire zum Jahrtuusigwechsel der "phäno-"logisch Übergang 1999–2000 gfiiret worde. (Millennium isch zum Wort vom Jahr 1999 gwählt worde.)

Di gliich „Problematik“ gilt au für Jahrhundert und Jahrzehnt.

I de Theologie isch s Millennium s 1000-jährige Riich, wo am Endi vo allne Tääg z erwarte sig (Offenbarung des Johannes 20)

[ändere] Alli Jahrtuusige i dr Wikipedia

Zu de Jahrtuusige exischtiert i dr Wikipedia e Artikelserie vom 10. Jahrtausend v. Chr. bis zum 3. Jahrtausend.

10.

← v. Chr. Jahrtuusige →
Anderi Ziitskale

1. (1–1000)

2. (1001–2000)

3. (2001–3000)

[ändere] Wikipedia-Links zum Themekomplex Kalender und Ziit

D' im allemanische Sprochrum verwendetä Kalender isch d'Gregorianisch Kalender.
Des Datumsformat legt d'Form fescht, in dere Kalenderdatum un Uhrzyt dargstellt werde.
Johrtousend	Johrhundert	Johrzehnt	Johr	Monat	Wochi
Tag	Stund	Minut	Sekund	Millisekund
Ereignis vun näm Johrzehnt Johrzehnt vun 1290 v. Chr. bis hyt		Ereignis vun näm Johrzehnt ali Johr vun 400 v. Chr. bis hyt		Hischtorisch Johrestag ali Dage vun näm Johr
Zytrechnung (Chronologie) isch d'Schtrukturirung vun dä Zyt.
Mit d'zitlich Entwicklung vum Universum bschäftigt sich d'Kosmologie.
D'Erdgschicht wird durch d'Hischtorisch Geologie in d'Geologische Zyttafel untateilt.
Innerhalb dä Naturgschichte untersucht d'Paläontologie d'Lebewese und däri Lebensumständ.
Zur Gschicht vum Mensche luege au: Portal Geschichte