Kirgisistan
Us der alemannische Wikipedia, der freie Dialäkt-Enzyklopedy
|
|||||
| Amtsschproch | Kirgisisch, Russisch¹ | ||||
| Hauptstadt | Bischkek | ||||
| Staatsform | Präsidialrepublik | ||||
| Präsident | Kurmanbek Bakijew | ||||
| Premierminischta | Felix Kulow | ||||
| Fläche | 199.900 km² | ||||
| Inwohnazahl | 5.081.429 (Schtand Juli 2004) | ||||
| Bevölkerungsdichte | 25 Einwohner pro km² | ||||
| BIP/Einwohner | 350 US-$ (2004) | ||||
| Unabhängigkeit | von der Sowjetunion am 31. August 1991 | ||||
| Währung | Som | ||||
| Zeitzone | UTC+5 | ||||
| Nationalhymne | Ak möngülüü aska | ||||
| Kfz-Kennzeichen | KS | ||||
| Internet-TLD | .kg | ||||
| Vorwahl | +996 | ||||
| (¹) in Gebieten mit mehrheitlich russischer Bevölkerung | |||||
 |
|||||
 |
|||||
Kirgisistan (ou Kirgistan odr Kirgisien; kirgisische Selbschtbezeichnung Кыргызстан/Kyrgysstan; offiziell Kirgisische Republik, kirgisisch Кыргыз Республикасы / Kyrgys Respublikasy, russisch Кыргызская Республика / Kyrgysskaja Respublika) isch an Schtaat i Zentralasia. Ar grenzt im Norda a Kasachstan, im Südoschta an d' China, im Süda a Tadschikistan und im Westa a Usbekistan. D Houptschtadt isch Bischkek.
Im allgemeina Schprochgebrauch und i da Media herrscht a gwisse Uklarheit üba da genoua Landesnama. D Bezeichnungen Kirgisien und Kirgistan (odr sealtana aber offiziell Kirgisistan) enthaltn jeweils unterschiedliche politische Untrtön. Da Nama Kirgisien schtellt a Idütschung vum russischa Nama Киргизия dar, där unta da Zara i da Sowjetzit golta hot. Noch m Zafall vu da Sowjetunion hond d Kirgisa probiert, ihre nationale Identität üba a Zruckbesinnung uf ihrige turkschprochige Kultur zum schtärka und hond drum da Nama Кыргызстан/Kyrgysstan gno. Der Nama mit da urschprünglich persischa Endung für Region odr Land "-stan" untaschtricht d kulturelle und schprochliche Beziehung zua da andara turkschprochiga Lända wia Kasachstan, Turkmenistan, Usbekistan und so witta.
Inhaltsverzeichnis |
[ändere] Geographie
Kirgistan liegt im Hochgebirge Tienschan; d högschta Schpitza gond bis uf 7.439 und 7.134 m. D Lüt wohnend hauptsächlich im Norda im Tschutal und im Ferganatal im Süda. Ussadem a biz wäniga i da Bergtäla und um da gross See Issyk-Kul(Indütschung vum russischa Nama. Uf kirgisisch hoaßt da Nama "Yssyk-Köl"/Ысык-көл, des bedütet uf dütsch - oda do bessa allemannisch - da warme See).Dæ See isch riisegross und öppe zeh mol(10x) so gross wia dr Genfer oder Bodesee;grad hinder im erhebt sich mæchtig s Tien Shan-Gebirg wien e Wand mit syne Sibetuusigergipfel. Im Süda vum Land schtoht d Gebirgsketta Alai bis a d Grenz.
Bis uf 1.500 m isch des Land hauptsächlich Schteppe. Döt hot ma aba wite Bewässerungsalaga bout und dadurch erreicht, dass s Land beboubar gwora isch. Üba 1.500 m sind alpine Wiesa und Weida vorherrschend, dia bis a d Geltscha und da Schnee anegond. I da Wälda leabnd Reh, Bära, Marda, Wildsua, Luxe und ou no da artagschützte Schneeleopard. Vu deana git as no ca. 200 Schtuck. Außadeam git as no a Marco-Polo-Schof, des ou döt vorkut und sehr selta isch. Mürmele git as natürle ou und sit dia grossa Herda vu da Sowjets num do sind, kond ou d Wölf wieda wita aba.
[ändere] d Lüt
D Kirgisa sind a Turkvolk und bekenn'nd sich überwiegend zum sunnitischa Islam. Außerdem lebnd Russa, Usbeka, Tadschika, Dungana (chinesische Muslime), Ukrainer, Uigura, Tatara und Aghörige witara Ethniea, wia eppa 57.000 Mescheta, im Land. Am Afang vu da nüntzga Johr hond ou no ca. 100.000 Dütsche dort gleabt; dia sind inzwischen mehrheitlich is Dütsche usgewandat, aber as git no kläne dütsche Gmoanda i Dörfa wia Luxemburg und Rotfront.
luag ou: Lischte vu da Schtädt i Kirgisien
[ändere] was so passiert isch
Hauptartikel: Gschicht Kirgisiens
S Gebiet vum hütiga Kirgistan isch 8. Jahrhundert vu turkschtämmiga Kirgisen bevölkat wora. Da nägscht Eckpunkt i da Gschicht markiert s Johr 1291, wo s Land vu Dschingis Khan erobert wora isch. S Gebiet isch mongolisch bliba, bis d Chinesa s im 18. Jahrhundertunterworfa hond. Guat oa Jahrhundert spöta, 1875, sind d Russa ku und hond s Land is Zarareich igliedat. Noch 1918 isch as imma meh in d Sowjetunion ine grutscht und ersch noch m Zämmabruch vu da UDSSR 1991 wieda unabhängig wora. S Parlament hot n Askar Akajew zum neua Schtaatspräsident gwählt und sich 1993 a Verfassung gea.
