Niederländisch

Us der alemannische Wikipedia, der freie Dialäkt-Enzyklopedy

Niderländisch oder wia ma umgangssprachlich säit Holländisch isch a germanische Sproch, dia fa ca. 22 Milliona Lütt gsprocha wird. Sie isch nah verwandt mitm Dütscha und dött vor allem mit dem Plattdütscha.

Niderländisch het sich us em Niderfränkische Dialekt vu dr Niderdytsche Sprooch (Plattdütsch) sit dr Reformation zu ere eigeständige Hochsproch entwicklet, im selbe Zug wie d'Niderlande zwische 1520 un 1648 ussem Dytsche Riich usgschiide sin. (Doher au s'englisch Adjektiv "Dutch" fer Niderländisch).

Es isch debi z'beachte, dass es im Middelalder numme dytschi Dialekte (wie zum Byspiil s'Mittelzitalemannisch) un chaini Hochsproche wie hüt gä het. D'Hochsproch im Middelalder isch Latinisch gsi, wemmer vu so ebbis in sällere Zitt yberhaupt rede cha. S'Niderländisch het sich als erster vu dr dytsche Dialekte zu ere verschriftete Hochsproch entwicklet, noch vor em Nöihochdytsch. Niderländisch isch e verschriftete Dialekt, wil im e verhältnismässig chleirümige Gebit entstande, degege isch Nöihochdytsch e Art Esperanto mit Elemente vu vile dytsche Dialekte. Es git chai Region in Dytschland, wo d'Schriftsproch dr ursprünglich lokal Dialekt isch.

S'Niderfränkisch am Rhi nördlich vu Duisburg in Dytschland cha mer als niderländischer Dialekt mit dytscher Hochsproch uffasse, degege isch s'Plattdytsch in dr nordöstliche Niderlande e Plattdütsch mit niderländischer Hochsproch, säll in Nidersachse degege eins mit hochdytscher Hochsproch (deshalb entwickle si sich usenander. E ähnliche Entwicklig isch im Alemannische in dr verschidene Länder z'beobachte).

Sit 1980 gits a Abkommen mit Belgien wega der Reschtschreibung und wega dem Spracherhalt. Ma ka des Ganze mit dem vergliecha wia des im dütscha Sprochruum zwischa da dütschsprochiga Länder bestoht.

Ussem Niderländische het sich mit Afrikaans als Sproch vu dr Bure in Südafrika e witteri Dochtersproch entwicklet, wo früeher au numme e niderländische Dialekt gsi isch.

[ändere] Ekschterni Syte

I dere Spraach gits e eigeti Wikipedia. Si chönt si da aaluege und au Biiträäg schriibe Wikipedia uf Niederländisch

Zitate zue Niederländische Sprichwörter im dütsche Wikiquote

• Niederländisch für Englischsprechende (vun Wikibooks)
• http://www.taalunie.org/ (uf Niederländisch)
• Learn Dutch online
• MinikursNiederlaendisch
• uitmuntend.de - Deutsch <-> Niederländisch Wörterbuch mit über 215.000 Stichwörtern und Bildwörterbuch
• Online-Kurs mit Soundausgabe
• http://portal.omroep.nl/ (hollendische netzradio)

   

Dr Artikel „Niederländisch“ isch leider no ziimle kurz! Wenn du aber meh zu dem Thema weisch, schrib's eifach dezue und mach us dem Schtumpe en ebbas umfangriichere Artikel.