Cruzeta de Yeba
De Biquipedia
| Cruzeta de Yeba | |
 A Cruzeta Yeba dend'o lugar de Moriello de Sampietro. |
|
| Altaria | 1719 m |
| Latitú | 42º 30' 46" N |
| Lonchitú | 0º 7' E |
| Situazión | D'entre es monezipios de Boltaña, Fiscal y Fanlo. |
| Cordelera | Siarra de San Martín, Sobrarbe, Perineus |
| Primera puyada | - |
| Rota de puyada más fázil |
Dende Ascaso (monezipio de Boltaña) per o Patro l'Estallo. |
A Cruzeta de Yeba ye ra punta d'o norte d'o sarrato de San Martín, muga natural d'entre ra bal d'a Solana, a tierra de Boltaña y a Bal de Bió.
O nome li bién d'o lugar de Yeba, ya en o monezipio de Fanlo, que ye arredolau ent'a suya faldada. A bersant norte baixa ent'a Yaga formando ra man clamada l'Estallo ú altrament Cambo Boltaña. Es barrancos de Collarenas y a Plana d'a Yesa sulcan ista bersant y n'eixen l'augua ento río Yesa.
Per o sud-este s'enlierga ent'o Portiello d'as Balles que fa de paso natural entre ra bal de Bió (amant de Moriello de Sampietro) y a barranquera de San Martín que fa baixera ta Boltaña. En o nord-ueste ro Barranco d'a Rupiatra reculle l'augua d'a bersant y fa bía ent'o lugar de Yeba e dimpués a Yesa.
Per o sud, a Punta Nabaín ó de Santa Marina fa continazión d'o sarrato abantis que iste deballe ent'o congosto d'Ixanobas.
