Órbita
De Uiquipedia
Esti artículu es sobro órbita en física. Pa sinificaos alternativos, ver órbita (matemátiques) y órbita (anatomía).
La órbita ye la trayeutoria que percuerre un cuerpu alredor d'otru baxu la influyencia de dalguna fuercia. Sigún les lleis del movimientu planetariu de Kepler, les órbitas son xeneralmente elíptiques, anque los planetes interiores (cercanos al Sol alredor del cualu orbiten) tienen órbites cásique circulares. Con posterioridá, Newton amosó que delles órbites como les de ciertos cometes son hiperbóliques y otres parabóliques. Dientru d'un sistema solar, los planetes, asteroides, cometes y otros oxetos de menor tamañu percuerren órbites elíptiques al rodiu del Sol, demientres que les llunes y otros satélites faen lo propiu alredor de los planetes. Seya cuala seya la órbita siguida pol oxetu, el cuerpu alredor del que describe la so trayeutoria alcuentrase asitiáu nel focu de la cónica descrita, de mou que siempres puen definise dos puntos singulares, como son el de mayor alloñamientu o afeliu, y el de mayor aprosimación o periheliu.
[editar] Elementos d'una órbita
Seyes cantidaes describen la órbita d'un cuerpu nel espaciu:
- L'enclín
- La llonxitú del nodu ascendente
- L'argumentu del periápside
- El semiexe mayor
- La escentricidá
- El tiempu del pasu del periápside
- Planu orbital
Otru valir d'interés ye'l períodu de la órbita.
[editar] Menes d'órbita
Les órbites puen clasificase d'alcuerdu a la so rellación col cuerpu qu'orbiten.
- Órbita polar
- Órbita ecuatorial
- Órbita xeosíncrona
- Órbita xeoestacionaria
- Órbita heliocéntrica
- Órbita de tresferencia de Hohmann
