Astronomía
De Uiquipedia
L'astronomía, que significa etimolóxicamente "el conocimientu de les estrelles", ye la ciencia qu'observa y desplica los cuerpos y los fechos fuera la Tierra.
Cuando s'atalantó que los elementos que formen los "oxetos celestes" yeren los mesmos que formen la Tierra, y que les lleis de la física aplicábense a ellos, nació l'astrofísica como una aplicación de la física a los fenómenos observaos pola astronomía.
La mayoría los astrónomos, tienen una bona preparación en física, polo que la astronomía y astrofísica tan bien xuníos.
L'estudiu los planetes del nuesu sistema solar foi consideráu hasta hai bien poco una disciplina aparte, llamada Ciencies Planetaries o Planetoloxía.
Ver tamién historia de la astronomía N'astronomía, la información obtiénse pola detección y analís de la radiación electromagnética. Una división tradicional de la astronomía faise poles rexones del espectru electromagnéticu observaes:
- Astronomía óptica nel rangu de la lluz visible pol güeyu humanu (alreor de 400 - 800 nm).
- Astronomía infrarroxa trabaya cola lluz infrarroxa, que tien una onda más llarga que'l roxu.
- La radioastronomía detecta llonxitúes d'onda de mm a cm, los receptores son parecíos a los de radiodifusión (qu'usa radiación neses llonxitúes).
La Astronomía Óptica y de Radio puen facese usando observatorios terrestres, porque l'atmósfera ye tresparente neses llonxitúes d'onda. La lluz infrarroxa ye absorbía pol vapor d'agua, asina los observatorios de infrarroxos tienen qu'allugase en sitios altos y ensuchos.
N'astronomía de rayos-X, astronomía de rayos-gamma, astronomía ultraviola y astronomía nel llonxanu infrarroxu pueden facese observaciones sólo dende globos aerostáticos u observatorios espaciales.
Toles disciplines tan basaes na detección de fotones, pero tamién de rayos cósmicos, neutrinos, y, nun futuru cercanu, gravitones (ver LIGO).
Ver tamién:
- Astronomía galáxica
- Astronomía extragaláxica
- Formación y evolución de les galaxes
- Formación estelar
- Astronomía estelar
- Cosmoloxía
- Astronáutica
- Astrodinámica
- Llista d'astrónomos ya astrofísicos
- astronomía amateur
- historia de la astronomía
