Carambelu
De Uiquipedia
Un carambelu ye un alimentu preparáu con altu conteníu de sucre. Tamién conocíu como dulce. El carambelu consíguese al traviés de la cocción del sucre. Esti pue consumise lo mesmo llíquidu - ye'l casu del carambelu que s'axunta penriba'l flan - que sólidu. El carambelu solidificáu consúmese popularmente dexándolu desfacese na boca. A ésti se-y suel axuntar sabores a frutes, herbes o otros aromes. Tamién esisten los carambelos ensin sucre.
Tabla de conteníos |
[editar] Clases
Hai munches clases de carambelu: Normal, con chicle, piruleta, bombón, xelatina, algodón de sucre, con chicolate, de fruta, de regaliz, ensin sucre, etc.
[editar] Fabricación
Na fabricación industrial de carambelos avézase a emplegar como materies primes sucre, glucosa y augua, que combínense nes proporciones afayaíces pa xenerar un xarabe (almíbar) que darréu cuezse a altes temperatures. Una evaporación rápido produz la elliminación del augua presente nel xarabe cocíu, quedando una pasta carambelu que pue ser modelada n'estremaes formes. El enfriamientu darréu provoca la cristalización de la masa, formando asina'l carambelu propiamente dichu en confiriendo-y rixidez que lu fai afayaízu pal so empaquetáu. Dependiendo del solvente (augua o lleche) y de la receta, el resultáu final pue denomase d'un xeitu o d'otru. Cuando se fai con lleche, la reaición coles proteínes de la mesma xenera compuestos orgánicos cíclicos qu'otorguen nuevos sabores, gracies a la reaición de Maillard. La testura final va en rellación cola temperatura a la que fierve l'almíbar, asina como de la presencia d'ácidos durante'l cocimientu (por exemplu, l'amestaúra de vinagre nos almíbares orientales da como resultáu un productu menos viscosu). La presencia d'un solutu nun llíquidu fai qu'aumente'l so puntu d'ebullición, y poro, cuantu más percentax de sucre haiga disueltu, más aumentará la temperatura d'ebullición. Cuando caliéntase l'amestaúra, l'augua fierve y evaporpase, y ye por ello qu'aumenta la concentraición de sucre, que fai qu'aumente más el puntu d'ebullición de l'amestaúra.
Polo xeneral, a temperatures más altes (mayor concentraición de sucre) queden carambelos más duros y ríxidos, demientres qu'a temperatures baxes prodúcense carambelos más suaves. Ye recomendable un termómetru pa controlar la temperatura.
Pa más información sobro los puntos d'ebullición y nomes, ver Almíbar.
[editar] Comercialización
Puen atopase en tiendes de dulces, de repostería o confitería, o en bomboneríes.
D'avezu tienen envoltorios de collores llamativos, ya inclusu'l propiu carambelu pue ser de munchos collores. tamién empléguense otres téuniques pa estremalos del erstu, por exemplu, facer que piquen, que dientro tengan chicle o que lleven un palu pa los garrar (idega que fexo famosa a la empresa Chupa Chups).
[editar] Hestoria
Enantes de que s'emplegare'l sucre, facíense yá dulces a bas d'otres sustancies, como'l miel, el xenxibre o'l regaliz.
[editar] Enllaces esternos
- Cómo facer carambelos (En Castellán)
- El arte de hacer carambelos Descripción y recetes. De 1915, (n'inglés).
- La ciencia los carambelos Descripciones y vídeos de los estaos del sucre. (N'inglés).
