Costa
De Uiquipedia
La costa ye'l llugar onde la tierra se xunta cola mar. Tien un paisax inestable, onde delles veces la tierra puede medrar gracies al depósitu de sedimentos y n'otros casos puede disminuir polos procesos d'erosión marina. Pero les costes tamién son modificaes por otros factores, como'l clima, la xeoloxía costera, el vientu, l'oleaxe y les actividaes humanes.
Una forma mui característica de les costes son les playes. Son el resultáu de los depósitos de oles constructives, en xeneral en zones costeres d'escasa enerxía. Pueden ser de sedimentos finos, como limo y arena, o de materiales más gruesos, como cantos rodaos o tamién como combinación d'estos elementos. El tipu de sedimentu, la enerxía de les oles, l'amplitú de la marea y l'efectu del vientu determinará la forma de la playa.
Les marees y corrientes aporten a la zona costera parte de la enerxía del mar, pero les oles son el principal factor na formación de les costas, al entregar la mayor parte de la so enerxía qu'erosiona, tresporta y deposita los sedimentu|sedimentos.
