Playa
De Uiquipedia
Una playa o sableru ye una forma xeolóxica consistente na acumulación de sedimentos, por mor de la dinámica llocal del folaxe. Estos sedimentos son arenes, magar qu'hai playes de graves y de piedres. Esisten munches clases de playes, y puen dase delles formes nun mesmu bancu de sedimentos, pues nunos metros el tipu de rompiente pue camudar dando-y orixe a un tripu de playa estremáu.
Una playa fórmase cuando'l folaxe y les corrientes de la mar propicien qu'aporten sedimentos a una zona la costa. Entós una playa fórmase embaxo dos supuestos: el primeru, que la forma de la costa seya tala qu'haiga una zona na quentre' una cantidá bayurosa de sedimentu y que seya estable colos estremaos estaos del clima marítimu. El segundu, qu'esista una zona na qu'anque'l sedimientu vaiga perdiéndose, haiga una llegada continua de sedimentu que pueda compensalo. Una vuelta depositaos los sedimentos, la playa ye modelada según el tipu de rompiente que l'afeute..
La playa ye una xeoforma dinámica polo que ta nun cambéu contino, suxeta en tou momentu a l'aición que cada fola, que cada marea y que cada temporal-y provoquen, con grandes ya importantes tresportes del propiu sedimentu que la componen.
[editar] La playa como hábitat
Una playa ye un entornu inestable qu'espón a les plantes y animales que lu habiten a condiciones hostiles. Dellos animales pequenos escarben nel sable y aliméntense col material depositáu poles foles. Tamién l'habiten cámbaros, inseutos, y páxaros pequenos. Les tortugues de mar depositen los sos güevos nes playes. Los restos d'animales muertos y l'ocle depositaos na zona menos fondera de la playa y dunes fai posible l'apaición d'una vexetación escasa.
[editar] Ver también
- Castiellu de sable
- Xeografía llitoral
- Playes d'Asturies
- Playa nudista
- Vólei playa
