Esperteyu
De Uiquipedia
| Esperteyos | ||||||||
|---|---|---|---|---|---|---|---|---|
 |
||||||||
| Clasificación científica | ||||||||
|
||||||||
| Families | ||||||||
| Pteropodidae Emballonuridae |
||||||||
L'esperteyu, tamién conocíu comu Morcíganu ye un mamíferu que tien una ala que xune los caberos cuatro deos de les estremidaes anteriores, el cuerpu, la basa de les pates posteriores y la cola. De vezos nocherniegos, ríxese na escuridá al traviés de la emisión d'ondes d'ultrasoníos que capta tres rebotar nos oxetos. Habita cimeramente nos países cálidos y caltiénse en lletargu nel hibiernu.
Tabla de conteníos |
[editar] Reproducción
La fema del esperteyu ye, sacante la fema'l canguru, la única de los mamíferos que difier a voluntá la fecundación, almacenando l'esperma pa emplegalu cuando-y paez. L'apareamientu suel ser na seronda, enantes la hibernación, en primavera la fema ovula y faise la fecundación.
[editar] Clasificación
Hai dos subórdenes d'esperteyos:
- Megachiroptera (Esperteyos de la fruta)
- Microchiroptera (Esperteyos inseutívoros)
[editar] El sangre
Ye un animal de sangre caliente cuando ta activu y de sangre frío cuando duerme.
[editar] Hibernación
Entren nesti estáu más rápido que cualesquier otru mamíferu. Nos llaboratorios consérvenlos en frigoríficos. Los llatíos del corazón pasen de 180 a 3 per minutu.
[editar] Avieyamientu
La vida los mamíferos ta en rellación col tamañu (el mur vive un añu, el perru avieya a los 12, el caballu a los 17), l'esperteyu ye una esceición a esta regla y magar que ye más pequeñu que'l mur, vive 15 o más años.
[editar] Alimentación
Basen la dieta n'inseutos y fruta según el suborde.
[editar] Resistencia a enfermedaes
Nun-yos afecten enfermedaes como la rabia. A pesar de la so dieta, nun sufren arterioesclerosis y les arteries nun avieyen.
[editar] Otros nomes
Morcíganu: Ye la otra forma -más propia del sur del dominiu llinguísticu- de referise al esperteyu. El so nome provién del llatín mus caecalus, o lo que ye lu mesmo mur cieguecín.
