Mary Wollstonecraft Shelley
De Uiquipedia
Mary Wollstonecraft (Londres y 30 d'agostu de 1797-Londres y 1851)
Fou una de las principales figuras del Romanticismu inglés. Yera fía única de la feminista Mary Wollstonecraft y del filósofu William Godwin, tamié ye conocida como Mary Shelley yá que s'esposóu col poeta románticu inglés Percy Bysshe Shelley. Asina Mary tuvo una educación lliberal basada nel romaniticismu d'ezquierdas de los sous páis. A la edá de 15 años Mary escapóuse con Percy Shelley, quien representaba la xenialidá y la llibertá frente a sou pái que fou la figura cola que Wollstonecraft creya'l protagonista de la súa obra mayestra, Frankestein
Cuando Wollstonecraft tenía 24 años fou abandonada por Shelley que la dexóu con un nenu de 2 años; cinco años dempués tuvo qu'emigrare pa Inglaterra y en viéndose rechazada por una sociedá que nun güeyaba bien el sou casamientu, decidíu trabayare como escritora pa caltenere a sou pái y al sou fíu. Gracias a esti trabayu conocíu a escritores, artistas y políticos de la dómina.
Con 48 años la escritora ta inválida, 6 años dempués muerre a causa d'un tumor celebral.
[editar] Frankenstein y Mary
Wollstonecraft creya esti presonax y la novela nunu de los famosos filandones lliterarios con lord Byron y Percy Bysshe Shelley, na súa estancia nel llagu Xinebra en Suiza. Emplegóu a Frankenstein como una forma de fuxire de las terribles desgracias que la asocedían na época, asina como la terrible vida marital con continos y públicos enfrentamientos na pareya, quien tres perder dous fíos nun fixo sinon agravare los sous desatopos. Por embargu, Shelley facía que Mary s'enriquecería a traviés del sou desendolcu inteleutual y presonal. Escrito nesta nueite, Mary que tenía 20 años, fixóuse nel sou proxenitor pa creyar al doutor suizu Víctor Frankenstein quien convertíase nun nuéu diéus al facere vida de la nada gracias, y nestu la escritora fou una visionaria, a la llétrica, más bien a una Truena que yera aproveitada pol mélicu pa facer nacere al monstru. Espublizada en 1818 col nome de "Frankenstein ou El modernu Prometeo", conviértese en tou un ésitu y agalma la posición de clásicu de la Lliteratura Universal al dibuxare dous personaxes monstruosos, el doutor pola súa falta de decencia y humildá y l’outru, un monstru nas apariencias pero con una complexidá pergrande nos sou autos.
[editar] Obres traducíes al asturianu
- Frankenstein: Traducción de Cesáreo García. Publicaciones Ámbitu (2002) ISBN 84-95640-40-6
