Liechtnstââ

Aus Wikipedia

Der Artikl is im Dialekt „Ståd-Såizburgarisch“ gschriem worn.

Fürstntum Liechtnstââ
(Details) (Details)
Amtssprache	Deitsch
Hauptstadt	Vaduz
Staatsform	konstituzjonelle Erbmonarchie
Staatsoberhaupt	Fürst Hans-Adam II. von und zu Liechtenstein Åmtsausübenda Stöivatreta Erbprinz Alois von und zu Liechtenstein
Regierungschef	Otmar Hasler (FBP)
Fläche	160,475 km²
Einwohnerzahl	34.905 (31. Dezemba 2005)
Bevölkerungsdichte	213 Einwohner pro km²
Währung	Schweiza Frånkn
Nationalhymne	Oben am jungen Rhein
Nationalfeiertag	15. August
Zeitzone	UTC+1
Kfz-Kennzeichen	FL
Internet-TLD	.li
Telefonvorwahl	+423

Dés Fürstntum Liechtnstââ - hochdeitsch: Fürstentum Liechtenstein is a suvaräna Stååt im midtleuropäischn Aipmraum. 's Lånd liegt zwischen Östareich und da Schweiz åm Ostufa vaum Rhein. 's Fürstentum güit heit åis konstituzjonelle Erbmonarchie auf demokrátisch-parlamentárischa Grundlåg. Dé Suvaränität liegt sowoih beim Voik åis áá beim Fürstn. Liechtnstââ gliedat sé in öif Gemeindn. Hauptort und Fürstnsitz is Vaduz. Liechtnstââ håd 's hechste Bruttoinlåndsprodukt pro Kopf wöidweit - 's liegt bei 80.900 Euro (2005).

Inhaltsverzeichnis 1 Geográfie 2 Klima 3 Wohnbevökarung 4 Vawåitungsgliedarung 5 Weblinks

[dro wärkln] Geográfie

Liechtnstââ is umgebm vaun dé Schweizer Kantone St. Gallen/St. Gåin undm Kanton Graubünden/Graubündn im Westn sowia 'm östareichischm Bundeslånd Vorarlberg im Ostn. Zsåmmen mit Usbekistan is 's áána da zwáá Binnenstååtn vau da Erde, dé söibst nur vau Binnenstååtn umgebm san. Dé gsåmte westliche Stååtsgrenz zur da Schweiz endspricht 'm Rheinvalauf. Dé östliche Stååtsgrenz is prägt vaum Åipm-Hochgebirg, 'm Rätikon. 's Lånd grénzt auf 41,1 km ån dé Schweiz. 27,1 km vau da Grénzläng entfåin aufm Kanton St. Gåin und 14,0 km aufm Kanton Graubündn. Dé Grénzläng mit da Repubblik Östarreich betrågt 34,9 km und entfåit völlig aufs Bundesland Vorarlberg. Da hechste Punkt vau Liechtnstââ is da Grauspitz mit áána Hechn vau 2599 m. Da tiafste Punkt is 's Ruggeller Riet/Ruggella Riet mit áána Hechn vau 430 m. 's Lånd misst ån seina längstn Stöi 24,56 km und ån seina bráátestn 12,36 km.

[dro wärkln] Klima

's Klima vaum Lånd kau trotz da Gebirgslåg åis relativ müid bezeichnet wern. Es wird stårk durch d' Êîwirkung vaum Föhn (wårma, troggena Fåiwind) prägt, wodurch dé Vegetazjonszeit im Lassing (Frühling) und im Hérest (Herbst) valängat wird. Dé Messungen da jährlichn Niedaschlågsmengen ergebm im Schnidt rund 900 bis 1.200 Millimeta auf áán Quadrátmeta. Im direktn Åipmgebiet dágeng lieng dé Niedaschläg oft bei bis zu 1.900 Millimeter. Im Winta sinkt 's Thermometa söitn unta minus 15 Grad, während im Summa dé midtlan Témparaturn zwischen 20 und 28 Grád schwankn.

[dro wärkln] Wohnbevökarung

Etwoa zwáá Dridtl da Êîwohna san gebürtige Liechtnstââna (65,8%); de ausländische Wohnbevökarung kummd dágeng zua etwoa áán Fümpfdl (20,1%) hauptsächlich ausm übrigm deitschn Språchraum (dåvau 10,8% aus da Schweiz, 5,9% aus Östareich und 3,4% aus da Bundesrepubblik Deitschlånd, gfoigt vau jewöis 3,3% aus Italien und Êînwohnan vaum friahraren Jugoslawien, 2,6% san Türkn und 4,8% kemman aus åndare Stååtn.

[dro wärkln] Vawåitungsgliedarung

Liechtnstââ gliedat se in öif Gemeindn, dé auf dé beidn Wåihkreise Unterland und Oberland verteilt sind.

[dro wärkln] Weblinks

• Offiziöis Portál vaum Fürstntum Liechtnstââ
• Portál da Liechtnstâânarischn Landesverwåitung
• Offizielle Homepage vaum Liechtnstâânarischen Låndtag
• Liechtenstâânarische Gsétze
• Fotogállarie mit Aufnåhmen vau Liechtnstââ
• Lända- und Reiseinformazjonen vaum Auswärtign Åmt