Aphra Behn
El Vikipedio
Aphra BEHN (naskiĝis 1640, mortis la 16-an de aprilo 1689) estis angla verkistino. Ŝi estas konsiderata la unua virino, kies profesio estis la verkado.
Pri ŝia vivo oni scias malmulton. Sian infanaĝon ŝi pasigis en Kent; kiel junulino ŝi (probable kun sia familio) vojaĝis al Surinamo kaj reveninte ŝi vivis ĉefe en Londono. Ŝi edziniĝis, kaj post la morto de la edzo ŝi vivtenis sin de la verkado. Tio elvokis akrajn kritikojn: unue, ĉar memstaraj virinoj tiutempe ĉiukaze estis suspektindaj kaj due, ĉar ŝiaj verkoj ofte estis frivole erotikaj.
Ŝia plej fama verko estas la romano Oroonoko, kiu kritikis la sklavecon kaj respegulis spertojn de la aŭtorino akiritajn en Surinamo.
La aŭtoro Philip José FARMER roligas Aphra Behn en sia pentalogio riverworld (rivermondo) kaj por tio faris biografiajn esplorojn pri ŝi. Kompreneble oni ne scias, kie finiĝas biografio kaj komenciĝas fikcio.
Aphra Behn mortis en Londono.
[redaktu] Listo de verkoj
- The Dutch Lover (teatraĵo, 1673)
- The Rover, or, the Banish't Cavaliers (teatraĵo, 1677)
- The Round Heads, or, the Good Old Cause (teatraĵo, 1681)
- The City Heiress (teatraĵo, 1682)
- Oroonoko, or, the History of the Royal Slave (romano, 1688)
[redaktu] En Esperanto aperis
- La komplezema amatino (poemo). En: Angla Antologio, vol. 1, p. 157
[redaktu] Eksteraj ligiloj
http://etext.library.adelaide.edu.au/b/behn Fonto por iuj el la pli supre menciitaj laboroj -->- http://www.lit-arts.net/Behn La paĝo de Aphra BEHN
- http://www.lespress.de/032004/texte032004/zeitreise032004.html
