Auguste Blanqui
El Vikipedio
Historio > socia movado > Auguste Blanqui
Louis Auguste BLANQUI alinomita l'Enfermé (la enkarcerigito), (1805, 1881) estis franca socialista revolucia respublikano. Lia kromnomo ŝuldiĝas al la fakto ke li pasigis la plej grandan parton de sia vivo en karceroj.
Carbonaro de 1824 li enmiksiĝis en ĉiujn respublikajn konspiraciojn de tiam. Li eniris la gazeton de Pierre Leroux "Le Globe" en 1829 kaj poste partoprenis la Revolucion de 1830 kaj aniĝis al la respublika societo "Amis du peuple" (Amikoj de la popolo). Li ligiĝis kun Buonarotti, Raspail kaj Barbès kaj fondis kun tiu la Société des saisons (Societo de la sezonoj) en 1837. Arestita en 1839 post malsukcesa insurekcio li restis enkarcerigita ĝis 1848. Liberigita li asociiĝis al ĉiuj parizaj manifestacioj de marto ĝis majo. Arestita post la 15-a de majo li estis kondamnita por dekjara enkarceriĝo. Amnistiita nur en 1859, li denove estis kondamnita en 1861. Dum tiuj jaroj ekorganiziĝis blankista partio kun sekcioj. Elektito de la Pariza Komunumo dum li estis enkarcerigita ekster Parizo li estis liberigita nur en 1879. Li tiam travojaĝis Francion kaj diskonigis siajn ideojn en sia gazeto "Ni Dieu Ni Maître" (Nek Dio Nek Mastro). Li mortis la 1-an de januaro 1881 kaj lian entombigon sekvis cent miloj da homoj.
 Pentraĵo de Blanqui en 1845 |
 Auguste BLANQUI |
 Auguste BLANQUI mortinta (Gravuraĵo de F. Braquemond) |
[redaktu] Bibliografio
- L'Enfermé, (biografio de Auguste BLANQUI), de Gustave Geffroy, 1897
[redaktu] Eksteraj ligiloj
Bibliografio kaj 1 (franclingve)- Biografio (franclingve)
- elektitaj tekstoj (franclingve)
- L'éternité par les astres. (1872)
