Eŭgeno Aisberg
El Vikipedio
Eŭgeno AISBERG (naskiĝis la 10-an de septembro 1905 en Odeso - mortis la 4-an de oktobro 1980 en Parizo) estis rusa-franca esperantisto kaj honora membro de UEA, grandparte pro sia verko Fine mi komprenas la radion.
La verko aperis unue felietone en Internacia Radio-Revuo, kiun li fondis en 1925, poste (1934) en libroformo. Ĝi estas unu el la plej multe tradukataj Esperantaj originalaĵoj ĝis nun aperintaj, kun eldonoj en dudek naciaj lingvoj.
Filo de rusa profesoro kaj aŭstra patrino, li esperantistiĝis en 1919. En 1925 li translokiĝis al Parizo. Multaj verkoj liaj pri radio, televido kaj elektroniko aperis en la franca. De post 1958, li estis prezidanto de la Internacia Unuiĝo de la Radioteknika kaj Elektronika Informado kaj honora membro de la Instituto de Elektraj kaj Elektronikaj Inĝenieroj.
| La unua versio de tiu ĉi artikolo estis prenita de la Enciklopedio de Esperanto (EdE en ekstera arkivo). |
 |
 |
|
 |
|
||||||||||
|---|---|---|---|---|---|---|---|---|---|---|---|---|---|---|
| Aisberg Eŭgéne (ps. Glacimonto; Sam O'var), ruso, inĝ. Nask. 10 sept. 1905 en Odessa. Ĉefred. de fkaj revuoj pri radio kaj televido. Loĝas en Paris de 1925. Verkis multajn teknikajn kaj popularajn librojn. Fondis la unuan eŭropan revuon pri televido kaj la francan Asocion de Televido. Dir. de la franca radiofako de la Int. Instituto de mikrofonaj studoj. E-iĝis 1919. Faris multajn prelegojn, gvidadis kursojn, organizis ekspoziciojn. En 1925 fondis kun Corret la Int. Radio-Revuo, (14 numeroj) La Babiladol pri Radio, kiujn li verkis por tiu revuo, estis poste eldonitaj en 13 lingvoj. | ||||||||||||||
