Gilbert Ledon

El Vikipedio

Ĝilberto LEDON (1931-2003) estis grava esperantisto, verkisto kaj eldonisto.

Enhavo

1 Biografio
2 Verkoj
3 Eldonoj:
4 Apero en filmoj:
5 Rete legeblaj verkoj
6 Ekstera ligilo

[redaktu] Biografio

Li naskiĝis en 1931 en Francio, en kamparana medio. Post sia esperantiĝo vizitis la kabaredon de la Tri koboldoj kaj ekaktivis en la SAT-medio. Li edziĝis kun german-devena brazila esperantistino Symilde Schenk Ledon, kaj uzis esperanton kiel hejmlingvon kun siaj infanoj. Profesie inĝeniero, li translokiĝis al Brazilo kie li post ioma tempo iĝis posedanto de la fabriko de manekenoj, en kiu li laboris. Tre aktivis en Esperantio sur plej diversaj kampoj. Konata kiel akra polemikisto, li publikigis artikolojn en multaj gazetoj kaj redaktis dum kelkaj jaroj la gazeton Liberecana Ligilo, eldonita de la liberecana frakcio de SAT. Li publikigis propakoste la revuon Brazilan Esperantiston dum kelka tempo. Li mortis en la 3-a de marto 2003 kun sia edzino okaze de trafikakcidento en Brazilo.

[redaktu] Verkoj

[redaktu] Politikaj

Moderna Mito: La Kolektiveco, SAT, 1986
Al la tero returne, 1992
Anarkiia konstruo, 1997

[redaktu] Teĥnikaj

Manekenoj kaj ni (konstruaj datumoj pri manekenoj)
Hermetikaj pumpiloj(konstruaj datumoj)
Konstruu vian domon 2002 (teĥnikaj vortoj pri domkonstruado, ilustrita per

desegnaĵoj)

Aviada terminaro, Fonto, 2002, 86p

[redaktu] Membiografiaj

Satana Anĝelo (e-o-franca-portugala), SAT, 1983
Sennaciece tra nia mondo, 1989
Familia lingvo = esperanto
Ikaro ne sonĝis

[redaktu] Beletraj

Virusoj 1999 (kvar teatraĵetoj)

[redaktu] Primovadaj

Analoj de EASP 1997 (pri la historio de Esperanto-Asocio de San-Paŭlo)

[redaktu] Eldonoj:

Karuseloj... de Sara LARBAR - 1987
La Evangelio de la Horo de Paul Berthelot 1990
Florville kaj Courval - de Markizo de SADE - 1992
Kiel kuiri sen viando - de Clara DE HESS - 1998 (kunlabore kun eld. Fonto)

[redaktu] Apero en filmoj:

partoprenado en ronda tablo pri "Eldonaj kaj aŭtoraj rajtoj", Sorokabo-SP-BR - 1997

[redaktu] Rete legeblaj verkoj

Senutilaj sindikatoj el MONATO (1999/6, p. 5)
Letero al Jurgen Kuhl], kadre de debato pri sennaciismo en Sennaciulo
Raymond Schwartz kaj ties kabaredoj

[redaktu] Ekstera ligilo

Verkoj de kaj pri Gilbert Ledon en la Kolekto por Planlingvoj kaj Esperantomuzeo

Elŝutita el "http://eo.wikipedia.org../../../g/i/l/Gilbert_Ledon_a648.html"

Kategorioj: Naskiĝintoj en 1931 | Mortintoj en 2003 | Sennacieca Asocio Tutmonda | Artikoloj kun ligiloj al Monato-artikolo