Hidrobatedoj

El Vikipedio

La familio Hidrobatedoj estas la petreloj, etaj petreloj kiuj frapflugas ofte post ŝipoj.

La hidrobatedoj aŭ ŝtormopetreloj estas maraj birdoj de la ordo Procelarioformaj. Ili estas la plej malgrandaj inter marbirdoj, parencoj de petreloj, manĝas planktonajn krustacojn kaj fiŝetojn elplukitajn el la surfaco, ĉefe dum ŝvebo. La flugo estas frapa kaj ofte vesperteca.

Ŝtormopetreloj estas ĉie tutmare; oni trovas ilin en ĉiu ajn maro, sed nur mare, ĉar ili venas teren nur por bredado. Pri multaj specoj malmulto estas konata pri ilia konduto aŭ mara distribuado, ĉar ili estas malfacile troveblaj kaj eĉ pli malfacile identigeblaj.

Ŝtormopetreloj nestiĝas en insuloj, al kiuj alvenas dum noktiĝo. La ino demetas 1 blankan ovon en herba ternesto. Ambaŭ gepatroj kovas laŭ vicoj de ĝis 6 tagoj. La eloviĝo okazas post 40 aŭ 50 tagoj. La ido estas kovata dum plia semajno kaj poste oni lasas ĝin sola enneste dumtage kaj estas nutrita nokte per elbusiĝo. Gepatroj kaj ido forlasas kune la neston post 60 aŭ 70 tagoj.

Estas du subfamilioj. La Oceanitinedoj estas ĉefe en sudaj akvoj; ili estas 7 specoj en 5 genroj. Ili havas mallongajn flugilojn, kvadratajn vostojn kaj longajn kraniojn kaj manĝas per saltetado kaj frapflugo super akvo. Ĉiuj, krom unu speco, havas blankajn subajn partojn; krome estas nur Vilsona ŝtormopetrelo, kiu estas ankaŭ la ununura regula migranto nordhemisferen.

La Hidrobatenoj oni supozas, ke devenas de pravilsona ŝtormopetreloj. Ĉiu speco havas longajn flugilojn, forkajn aŭ kojnformajn vostojn, kaj piediras surakve plie ol saltas. Krom du, ĉiuj estas malhelaj. Ili vivas en norda hemisfero, sed povas viziti aŭ bredi malmulte transekvatore.

• FAMILIO HIDROBATEDOJ (petreloj)
  • Subfamilio Oceanitinedoj
    • buntpieda petrelo, Oceanites oceanicus
    • Novzelanda petrelo, Oceanites maorianus
    • Blankopuga petrelo, Oceanites gracilis
    • Grizdorsa petrelo, Garrodia nereis
    • Blankovizaĝa petrelo, Pelagodroma marina
    • Nigroventra petrelo, Fregatta tropica
    • Blankoventra petrelo, Fregatta grallaria
    • Polinesia petrelo, Nesofregetta fuliginosa
  • Subfamilio Hydrobatenoj
    • malgranda petrelo Hydrobates pelagicus
    • forkvosta petrelo Oceanodroma leucorhea
    • Matsudaira petrelo Oceanodroma matsudairae
    • Eta petrelo, Oceanodroma microsoma
    • Kojnpuga petrelo, Oceanodroma tethys
    • Madeira petrelo, Oceanodroma castro
    • Svinhoa petrelo, Oceanodroma monorhis
    • Guadalupa petrelo, Oceanodroma macrodactyla (eble ekstingita)
    • Tristrama petrelo, Oceanodroma tristrami
    • Markhama petrelo, Oceanodroma markhami
    • Nigra petrelo, Oceanodroma melania
    • Cindra petrelo, Oceanodroma homochroa
    • Ringita petrelo, Oceanodroma hornbyi
    • Forkovosta petrelo, Oceanodroma furcata