Jamendo
El Vikipedio
jamendo estas retejo kiu proponas laŭleĝan kaj senpagan elŝutadon de libermuzikaj albumoj aŭ laŭ licenco ebliganta senprofitcelan uzadon. La termino "jamendo" devenas de la kunigo de "jam" kaj "kresĉendo".
jamendo ebligas rektan aŭskultadon de aŭddosieroj, sed ankaŭ zorgas pri ties disŝutado pere de la samtavolaj retoj eMule kaj BitTorento, interalie dank al tiucelaj bitvaroj tiaj, kia Jamseeder. Plejparto de la albumoj estas memvole disponigataj de la geartistoj laŭ licenco tia, kia Krea komunaĵo aŭ licenco libera arto. Ili estas disponigataj laŭ mp3 kaj Ogg Vorbis formatoj, tiu lasta formato cetere estas libera.
La retumsistemo de jamendo uzas etikedojn aŭ ŝlosilvortojn, gluatajn de la aŭskultantoj, kaj ebligas priserĉi albumojn laŭ ĝenro aŭ temo. Tiel, la klasifikan procezon mastrumas mem la geaŭskultantoj kaj gevizitantoj de la retejo.
jamendo proponas al geartistoj ĉeretigi sian muzikon elektante laŭ kiu licenco ili volas permesi la disŝutadon de la aŭd-enhavo. Ĉiu artisto disponas je persona spaco por anonci aktualaĵojn, siajn venontajn koncertdatojn kaj por komuniki kun sia publiko. Albumojn aŭskultantoj povas prirecenzi. Krome, kaj sistemo kiu ebligas mon-doni al artistoj, kaj forumo ebliganta interŝangadon inter komunumanoj estas proponataj.
Ekde ĝia lanĉo en januaro 2005, ene de unu jaro, jamendo lerte profitis la teknikajn plibonigojn de sia interna funkciaro, sed ankaŭ la okulfrapan kreskadon de la nombro de albumoj disponeblaj. Fakte, pli ol 2100 albumoj aldoniĝis al la ĉiam plilongiĝanta listo dum 2006, oferante al jamendo eblon por elforĝi solidan reputacion. La platformo intencas en 2007 oferti al artistoj interesataj novajn mon-enspezeblojn.
Laŭ lingva vidpunkto, jamendo estas tradukata en esperanton!! Venu helpi la traduk-skipon!!
[redaktu] Vidu ankaŭ
[redaktu] Eksteraj ligiloj
- jamendo.com
- Dogmazic temas pri samtipa retejo
