Melo
El Vikipedio
| ?Melo Konserva statuso: Malplej zorgiga (LR/lc) |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Biologia klasado | ||||||||||||||
|
||||||||||||||
|
|
||||||||||||||
| Meles meles Linnaeus, 1758 |
||||||||||||||
 Vivareo de Melo
|
Melo (Meles meles) estas rabobesto, kies piedoj kaj ungegoj estas plataj fosiloj; ĝi havas maldelikatan grizblankan hararon kun brunnigraj sektoroj en harlongo. Sur la kapo ĝi havas blankajn kaj nigrajn striojn kaj kompare kun aliaj musteledoj ĝi estas relative dika, ankaŭ la irmaniero memorigas pri ursido. Ĝi vivas en Eŭropo kaj Azio.
La korpo de melo mezuras inter 80 kaj 100 cm kaj pezas 10 ĝis 20 kg. La nutraĵojn ĝi serĉas nokte, per siaj plataj piedoj disfosas la grundon, renversas putrajn arbostumpojn, elfosas etajn bestetojn, sed ĝi manĝas ankaŭ insektojn, limakojn, ranojn, kadavrojn, kaj la menuon kompletigas per arbaraj fruktoj, radikoj, fungoj.
En la tero ĝi fosas sistemon de koridoroj, eĉ 10 m longajn kaj 5 m profunde. Ĉe la fino ĝi havas kavan kuŝejon, kie la melo travintras kaj la femalo naskas idojn. Gemeloj pariĝas en julio, la fekundigita ovo restas en trankvilo kaj nur en decembro komencas evolui. Post 9 monatoj naskiĝas 2 ĝis 4 idoj, kies okuloj malfermiĝas post 28-30 tagoj. La femalo mamnutras 2 monatojn, post duonjaro la melidoj memstariĝas.
El la melfelo estas produktataj brosoj kaj penikoj. Ĉiujare estas dekmiloj da meloj ĉasitaj.
Malnova kruela "distrado" estis en Eŭropo tio, kion nomatas en Anglio badger baiting: oni ligas melon per kateno kaj atakigas ĝin per vico hundoj, kiuj enviciĝas sinsekve por ataki ĝin kaj esti ĉiam "freŝa", dum la melo estas pli kaj pli malfreŝa kaj vundita. Fine kiam ĝi ne plu kapblas lukti, kaj "doni spektaklon", oni mortigas ĝin. Tiu "ludo" estis malpermesita neplifrue ol 1973 en Anglio, kaj fakte plu estas praktikata malleĝe. Alia maniero mortigi memojn, kiu ankaŭ estis malpermesita de tiu leĝo (kaj kiu ankaŭ pluiras kaŝe) estas la elfosado de meloj en siaj ternestoj.
 |
[redaktu] Eksteraj ligiloj
http://www.jww.de/445,483- http://www.ingentaconnect.com/content/urban/161/2005/00000070/00000001/art00001
- http://www.who-rabies-bulletin.org/q3_2002/contents/individual.html
