Mondcivitano
El Vikipedio
Mondcivitano nomas sin homo, kiu ligas sian identecon ĉefe al la tuta homaro, malpli al ekz. la aparteneco al certa nacio. En tiu senco eble la unua al ni konata famulo, kiu esprimiĝis en tiu senco, estis la greka filozofo Sokrato, kiu laŭsence diris: "Mi estas civitano, ne nur de Ateno, ne nur de Greklando, sed ankaŭ de la mondo."
Nuntempe la ĉefaj celoj de la mondcivitanoj estas
- Kreado kaj gardado de daŭra paco sur la tero, t.e. solvado de diferencoj sen perforto
- Gardado de la vivo, de la trezoroj de la tero en respondeco por la sekvontaj generacioj
Por atingi tiujn celojn, mondcivitanoj multflanke agadas por starigi tutmondajn leĝojn, kiuj donos al la individuoj kaj popoloj garantiojn por ilia vivteno, sekureco, libereco, per balotelektoj al Konstitucia Asembleo de la Popoloj.
Enhavo |
[redaktu] Internaciaj mondcivitanaj organizoj
[redaktu] Asocio de mondcivitanoj
La Asocio de mondcivitanoj(angle: Association of World Citizens (AWC)) laboras en 50 landoj. Internacie AWC (sidejo en San Francisko) kunlaboras kun la Unuiĝintaj Nacioj kaj ties suborganizoj. La respondeculino ĉe UN estas s-ino dr-ino Linsinka Ulatowska. Plue, ĉiun kvaran jaron estas organizataj konferencoj sub koncernaj temoj kun internacia partoprenantaro. La baza dokumento estas la “Manifesto por la vivo“.
[redaktu] Registrocentro
La Registrocentro de mondcivitanoj kaj la Mondcivitana subregistro Esperantista havas sian sidejon samloke en Parizo. La jarlibro de UEA enhavas indikon pri “Moncivitanismo”, ekzakte pri la Esperantista Internacia Centro de la Civitanoj de la Mondo (EICM). La Centro kolektas aliĝilojn kaj listigas ilin. Pri pluaj agadoj legu sub www.recim.org
La agado naciskale estas organizata de unuopaj grupoj kaj (parte memstaraj) asocioj kaj fondaĵoj.
