Naruhito
El Vikipedio
Kronprinco Naruhito (japane: 徳仁皇太子殿下 Naruhito Kōtaishi Denka) (naskiĝis la 23-an de februaro 1960 en Tokio, Japanio) estas la plej aĝa filo de imperiestro Akihito kaj imperiestrino Michiko. Lia infana titolo estis Princo Hiro (浩宮 Hiro-no-miya). Li iĝis oficiala kronprinco je sia 31-a naskiĝdatreveno, la (23-an de februaro 1991).
[redaktu] Edukado
Naruhito post siaj historiaj studoj ĉe la universitato Gakushuin ricevis en 1982 la diplomon Bachelor kaj en 1988 Master. De 1983 ĝis 1985 li studis ankaŭ ĉe Merton College en Oksfordo, Anglio.
[redaktu] Geedziĝo kaj familio
Kronprinco Naruhito fianĉiĝis la 19-an de januaro 1993 al Princino Masako. Li jam dufoje farintis al la burĝa diplomatfilino geedziĝproponon, antaŭ ol ŝi konsentis. La 9-an de junio 1993 ambaŭ geedziĝis.
La nura gefilo de la paro, Princino Aiko naskiĝis la 1-an de decembro 2001. La naskiĝo ekis debaton en Japanio pri la reguloj de la tronosukcedo, ĉar ĝi malpermesis al virinoj surtroniĝon, kaj la imperiestra familio de 1965 ne plu naskis filojn.
