Soest

El Vikipedio

Ĉi tiu paĝo temas pri la urbo Soest en Germanio. Pri la samnoma komunumo en Nederlando rigardu sub Soest (Nederlando).

Blazono	Mapo

Bazaj indikoj
Federacia lando:	Nordrejn-Vestfalio
Registara distrikto:	Arnsberg
Regiona subdistrikto:	Soest
Geografia situo:	51° 35´ 16´´, 8° 6´ 33´´
Alteco:	90 m super NN
Areo:	85,81 km²
loĝantaro:	48.279 (30a de junio 2004)
Loĝdenseco:	562 loĝantoj/km²
Poŝtkodo:	59494
Telefonkodo:	02921
regiona aŭtokodo:	SO
Administra kodo:	05 9 74 040
Urba strukturo:	La kerna urbo kaj 18 urbopartoj
Adreso de la urba administracio:	Am Vreithof 8 59494 Soest
Politiko
Urbestro:	D-ro Eckhard Ruthemeyer (CDU)

Soest, ĉefurbo de la samnoma subdistrikto, estas urbo en Nordrejn-Vestfalio kun ĉ. 48.000 loĝantoj. Ĝi situas ĉ. 50 km oriente de Dortmund sur la fekunda grundo de Soester Börde.

Soest aĝas jam pli ol 1000 jarojn kaj estis unu el la plej gravaj urboj de Hanso en la mezepoko. En la kulmina tempo de la mezepoko ĝi estis la dua plej granda urbo de Germanio post Köln (Kolonjo).

Grandan signifon la urbo atingis kiel centro de Soester Börde, regiono kun tre fekunda tero, kiel loko de salo-produktado kaj prilaborado de fero, sed ĉefe kiel grava komerca urbo, kies kontaktoj etendiĝis ĝis ekz. Novgorod en Rusio. La urbo konatiĝis ankaŭ pro la Soest-a urborajto, kiu influis multajn urbojn, en modifita formo ĝis en la baltmaran regionon.

[redaktu] Vidindaĵoj

Malgraŭ gravaj detruoj dum Dua mondmilito la urbo ankoraŭ disponas pri multaj vidindaĵoj. Ekzistas ekzemple ankoraŭ tri kvaronoj de la urba muro kaj remparo, sed nur unu el origine dek pordegoj (Osthofentor). En la urbocentro ĉ. 600 domoj estas protektitaj monumentoj. Aparte vidindaj i.a. estas la "Haus zur Rose" kaj la Pilgrim-domo, la plej malnova gastejo de Vestfalio. La plej gravaj preĝejoj estas la katedralo St. Patrokli kaj la preĝejo St. Petri.