Traktato de Kiel
El Vikipedio
La traktato de Kiel (14-an de januaro 1814) estis packontrakto, kiu finis la batalojn inter Danio kaj Svedio, post la napoleonaj militoj. Laŭ la traktato, Danio transdonis al Svedio Norvegion; tiel ĉesis la dana-norvega personalunio ekzistanta ekde 1380 kaj malpliiĝis la rolo de Danio en la balta regiono kaj Eŭropo. La aliĝo de Norvegio al Svedio estis gajnaĵo rilate al perdo de Finnlando kaj Åland-insuloj en 1809 favore al Rusio.
La norvegoj kontraŭstaris eĉ la malnovan personalunion kaj nun ili ellaboris sian konstitucion. Ĉar ili eĉ ekbatalis, Svedio akceptis la konstitucion, tiel formiĝis la sveda–norvega personalunio, ekzistanta ĝis 1905. Kvankam Dania pluposedis Grenlandon, Islandon kaj la Feröer-insulojn - kiun la norvegoj vidis kiel sian praposedaĵon -, perdo de Norvegio forte tuŝis la politikan kaj ekonomian vivon de Danio.
