Gamal Abdel Nasser
Wikipedia(e)tik
Gamal Abdel Nasser (arabieraz جمال عبد الناصر , Gamāl 'Abd an-Nāsir) (1918 - 1970) militar, egipziar estatuburu eta garaiko buruzagi arabiarrik garrantzitsuena izan zen. 1948ko Israelen aurkako gerran komandante gisa borrokatu zuen. Urte bat geroago, beste ofizial batzuekin Ofizial Askeen erakundea sortu zuen eta 1952an, Faruq erregea bota zuen estatu kolpe bat eman zuen, errepublika aldarrikatuz.
Nasseren erregimena autoritario, sozialista eta arabiar nazionalista izan zen. Industriak, bankuak eta petrolio putzuak nazionalizatu zituen, baita Suezko kanala ere. Azken honegatik Frantziak eta Erresuma Batuak eskualdea inbaditzen saiatu ziren, porrota handia jasanez. Guzti honegatik, mundu osoko arabiarren erreferente bihurtu zen. 1967 Israelek aurkako Sei Egunetako Gerraren porrota kolpe latza izan zen bere ospearentzat. 1970ean hil zen bihotzekoak jota.
