Jeltzale
Wikipedia(e)tik
Jeltzale Euzko Alderdi Jeltzalearen (EAJ/PNV) jarraitzaileak eta bere ideologia izendatzeko terminoa da. EAJko kideetaz aritzeko jelkide hitza erabili ohi da.
Jeltzale hitza Sabino Aranak asmatu zuen bere alderdia izendatzeko, nazionalista hitza ekidin nahian. JELaren zaleak (JEL + zale) esan nahi du. JEL, bere aldetik, Jaungoikua Eta Lagizarraren akronimoa da, EAJ alderdiaren leloa zena. Lagizarrak (lege zaharrak) Euskal Herriko berezko legeei deritzaie, hau da, foruei.
Lelo honek Sabino Aranak eta bere garaiko euskal nazionalistek erlijio katolikoari ematen zioten lehen mailako garrantziaren adierazgarri da. Lelo hau, era berean, ikurrinan islatzen da.
