Puaretât

De Vichipedie, la enciclopedie libare dute in marilenghe.

Puaretât e je une cundizion dulà che une persone o une comunitât a son disprivâts, o al mancje ce che al covente di essenziâl par vê al mancul un benstâ e un bonvivi. E po jessi sintude in difarentis manieris, tant che la mangjative, la aghe di bevi, un puest dulà stâ, o chês risorsis come il podê rivâ a lis informazions, l'educazion, la salût, il jessi sociâl, il podê politic, o la pussibilitât di vê relazions significativis cun altre int. La puaretât e po ancje jessi definide in maniere relative. In cheste vision la disparitâts in gjenerâl o chês di salût a son viodudis come indicadôrs di puaretât e la cundizion di puaretât ae je colegade cu la cuestion de criure e de la spartizion dal podê e da lis risorsis. La puaretât e je ancje une sielte religjose leade a la vision di S.Francesc, tant che une pratiche di caritât, in chel câs e je volontarie e no je di miscliçâle cu la miserie.

Mape dal mont che e mostre la percentuâl de popolazion che a vîf cun mancul di un dolar american al dì, par diviers stâts a mancin i dats

La mape de puaretât a si use fâle marcant chei paîs dulà che a si vîf cun mancul di €1 a la zornade (puaretât assolude) . La part di mont che e vîf cun mancul di €1 in dì e je cressude intai ultins vincj ains (come che si po viodi <[[1]]> ). A an fate une stime che 1.1 miliarts di personis a son sot di chel livel e 2.7 miliarts a son sot dal livel di 2€ in dì (puaretât moderade).

La proporzion di int dal mont che e vîf in puaretât assolude e je colade dal 1991 che e jere al 28% al 21%intal 2001. Ma chei milioraments a son concentrâts in Asie. In Afriche inte zone al di sot dal Sahara intai stes ains il livel di puaretât estreme al è lât dal 41% al 46%.