Charlie Rivel
Na Galipedia, a wikipedia en galego.
Nome artístico de José Andreu, pallaso catalán nacido en Cubelles, provincia de Barcelona, o 24 de abril do 1896 e falecido en Sant Pere de Ribes no 1983. Foi internacionalmente coñecido como pallaso de circo. Seus pais, Pere Andreu Pausas (catalán) e Marie-Louise Lasarre (francesa) foron artistas de circo tamén.
Iniciou a súa carreira con tan só tres anos de idade, actuando no grupo Los Rivels con seus irmáns Pablo e René. Posteriormente actúa en solitario e obtén grande popularidade en toda Europa. El tomou o seu nome artístico de Charlie Chaplin. A lenda di que Chaplin lle preguntou nunha ocasión: "Es ti quen me imita a min ou son eu que te imita a ti". Ó comenzo da Segunda Guerra Mundial marcaríase a súa personalidade definitiva (xersei longo, cadeira e guitarra). Tería que permanecer na Alemaña nazi durante dous anos, cumprindo os seus contratos firmados.
En 1954 regresou a Barcelona, onde se convertiu nunha estrela do Circo Price; era moi orixinal o seu número como "pallaso ouveador".
En 1971 participa nun filme de Federico Fellini, Clowns.
