Juche
Na Galipedia, a wikipedia en galego.
O Juche (en coreano: 주체, pronunciado /tɕutɕʰe/), oficialmente designado como a idea Juche é a base ideolóxica do estado de Corea do Norte. Unha frase atribuída ó líder norcoreano Kim Il Sung define o xucheísmo do siguinte xeito: "En poucas palabras, a idea Juche significa que os propietarios únicos da revolución e da construción posterior son as masas".
Índice |
[editar] Fundamentos
O Juche é un sistema filosófico e ideolóxico cuxo desenvolvemento atribúese ó propio Kim Il Sung. O seu fillo e continuador na xefatura de Estado de Corea do Norte, Kim Yong Il, é oficialmente o encargado da súa interpretación. Vén a ser unha adautación do comunismo leninista á cultura coreana e ás necesidades propias do Goberno da República Democrática Popular de Corea.
A súa idea principal é que o individuo é responsable do seu propio destino. Esa máxima, nun sistema revolucionario, traslada á suma de individuos que componen as masas populares a autoría da revolución e o seu desenvolvemento. Desa forma, cada norcoreano ten a súa parte de responsabilidade no destino da colectividade. A revista norcoreana "Korean Review" señala que "Juche significa adoptar o papel de maestro da revolución e reconstrución do teu propio país. Esto significa un proceder independente e creativo de cadaquén coa fin de adaptar as solucións ós problemas que poidan aparecer no proceso de revolución e construción".
Algunhas características de Juche son:
- Defensa da independencia económica e política respecto a países estranxeiros.
- Songun: o aspecto militar é o máis importante da política.
- Voluntarismo.
- Nacionalismo e defensa da homoxeneidade étnica. Kim Jong-il considera que unha característica da nación é a unidade de sangue.
- Respecto e defensa da cultura tradicional.
[editar] Teóricos
Juche toma o nome dunha teoría filosófica tradicional. Dícese que Juche foi inspirado a Kim Il Sung polo monte Paektu, un cumio mítico para os coreanos e todo un símbolo da nación.
Kim Il Sung foi o ideólogo e promotor, con decenas de volúmes publicados. Outros, como Wang Yan Yop, encargáronse de dar un sentido práctico ás súas obras. Kim Il Sung e Kim Jong-il están considerados como os auténticos responsables do desenvolvemento da doutrina Xuche, o primeiro creándoa e o segundo actualizándoa segundo os novos retos da revolución.
Kim Il Sung espuxo unha doutrina autodefensiva, contraposta á depedencia que adoptaba Corea do Sur respecto a Estados Unidos. Xuche ensalza a bandeira da soberanía nacional popular, poñendo o sistema político ó marxe de influencias externas que poidan acabar co bo desenvolvemento da transición ó comunismo. Deste xeito, Kim Jon-il segue configurando unha doutrina que dá un sentido ideolóxico á práctica política da República Democrática Popular de Corea.
[editar] Citas
En 1975, tras aprobarse a Constitución da República Democrática Popular de Corea de 1972, Kim Il Sung publica ¡Juche!22, obra na que se pón a base da teoría que dá sentido ideolóxico á estrutura estatal norcoreana. Mostras do seu pensamento son as siguintes frases incluídas no libro:
- -Estamos facendo a revolución coreana. E todo o que a ela afecta, os coreanos saben como afrontalo mellor que ninguén. O aspecto fundamental da revolución coreana, e que os coreanos decidimos, é que a nosa forza é o factor decisivo na nosa vitoria.
- -Ningún estranxeiro pode darnos a receita de qué facer coa nosa revolución. Para poder levala a bo fin con éxito, os coreanos, eles mesmos, deben empregar o seu cerebro, resolver os problemas co seu enfoque, un enfoque que debe facerse conforme ós intereses da revolución coreana.
- -O noso partido adoptou con forza a idea Juche, para resolver os problemas da revolución e a construción do socialismo con independencia, segundo as condicións propias do noso país, cos nosos propios enfoques; e nós, todo o pobo, formaremos unha piña ó redor do espírito dunha autoafirmación que nos chama a crearmos unha revolución e construción do socialismo e o comunismo no noso país, cos nosos enfoques e os recursos do noso país, afastándonos da idea de depender de outros.
[editar] O Juche no exterior
Os intentos de Corea do Norte de espallar o Juche como fórmula resultaron un fracaso. De tódolos xeitos, atópanse grupos de estudo do xucheísmo en países como Reino Unido, España, Brasil, Xapón, Perú ou Australia, entre outros.
[editar] O calendario Juche
Tras a aprobación da constitución de 1972, Corea do Norte oficializou o calendario Juche, baseado no calendario gregoriano e que fixa o ano un no 1912 despois de Cristo, ano do nacemento de Kim Il Sung. Corea do Norte fixaba así o seu propio calendario revolucionario. Polo xeral, nos textos coreanos figuran en primeiro lugar o ano xuche e despois o cristiano: Juche 95 (2006).
[editar] Véxase tamén
- Kim Il Sung
- Corea do Norte
[editar] Ligazóns externas
- Instituto Internacional da Ideoloxía Juche (en español)
- Juche Idea Study Group of England (en inglés)
- Songun Politics Study Group USA (en inglés)
- Young Juche League UK (en inglés)
- Young Juche League forums (en inglés)
