Konrad Lorenz
Na Galipedia, a wikipedia en galego.
Konrad Lorenz naceu en 1903 e morreu en 1989. Naturalista e zoólogo, consíderase un dos fundadores da etoloxía, a ciencia do comportamento, tanto o animal como o humano. Premio Nobel de Medicina en 1973, compartido con Niko Tinbergen e Karl von Frisch.
O lugar do seu nacemento é Altenberg, localidade próxima a Viena. Doctorouse en medicina e zooloxía en 1933 nesta Universidade e foi profesor de psicoloxía entre 1929 e 1935. En 1941 entrou no exécito e entre 1944 e 1948 estivo prisioneiro en Rusia. Dirixiu o Instituto Max Planck de Buldern de fisioloxía do comportamento entre 1950 e 1954 e o de Seewiesen entre 1955 e 1973.
Chegou a ser moi coñecido polos seus esforzos para identifica-lo que el chamaba patróns establecidos de conducta, dos cales demostrou que estaban xeneticamente determinados. Estableceu, ademais, que os devanditos patróns eran tan importantes para a supervivencia do animal como as súas características fisiolóxicas, e que ambos factores tiñan un desenvolvemento evolutivo similar. Un dos seus máis coñecidos e difundidos logros é descubrir que os estímulos auditivos e visuais dos proxenitores dun animal son necesarios para inducir á cría a seguilos, pero que calquera obxecto, incluído un ser humano, podía inducir a mesma resposta de se empregaren os mesmos estímulos. Na súa obra 'Sobre a agresión' (1963), Lorenz demostrou que a orixe xenética da agresividade humana proviña do comportamento observado en moitos animais cando estes defenden o seu territorio.
