O Bierzo

Na Galipedia, a wikipedia en galego.

O Bierzo é unha comarca, parcialmente galegofalante, da Provincia de León. Atópase entre as Serras do Courel, os Montes Aquilanos e a Serra de Fistedo. É unha rexión húmida con moitas pradeiras naturais onde pasta o gando vacún. Hai cultivos de pataca, millo e froitas, ademais de vide, oliveira e centeo. Ten minas de antracita, un tipo de carbón, e volframio. A industria siderúrxica céntrase na cidade de Ponferrada, capital da comarca. Nos seus límites coa provincia de Ourense atópanse as antigas explotacións auríferas romanas das Médulas.

[editar] Xeografía

Formou parte da Provincia de Vilafranca, na división territorial de 1822, durante o Trienio Liberal, formando parte da división provincial do antigo Reino de León. Porén, na definitiva división territorial de 1833 foi integrada na provincia de León.

Disfruta dun microclima que posibilita unha produción excelente de froitas e verduras. É unha zona con xacementos de ferro e carbón (antracita), pero que respectivamente non se explotan ou están en recesión, así como xacementos de pizarras que se exportan ó norte de Europa para os teitos de edificios.

Existe unha pequena actividade fabril nesta rexión arredor dos sectores do carbón empregado para a produción de electricidade (aquí fundou o estado ENDESA en 1944 para a produción de enerxía eléctrica), o sector siderúrxico, eólico, a extracción de pizarra, e unha certa presenza nos sectores do vidro e o cemento. Posúe asemade unha pequena rede de empresas industriais. O sector servizos, ó igual que no resto do país, vai adquirindo máis peso a medida que se desmantela o sector secundario. Todo isto está unido a unha industria agroalimentaria que, dentro do pequeno tamaño que poden acadar polas limitacións físicas que conleva o escaso tamano da comarca, é dunha grande calidade (viño, industrias cárnicas, froitos).

Ademais dun incipente turismo rural baseado na beleza das súas paisaxes naturais como Os Ancares, ou creados polo home como As Médulas, unha explotación de ouro realizada polos romanos e agora declarada Patrimonio da Humanidade; así como o Camiño de Santiago. No Bierzo pódense atopar algúns dos poucos edificios da arte mozárabe, como a igrexa de Santiago de Penalba e a de Santo Tomás das Ollas.

O principal río da comarca é o Sil, afluente do Miño. Un dito popular di «o Sil, o auga e o Miño, a fama».

[editar] Ver tamén

• Antonio Fernández Morales
• Enrique Gil y Carrasco (escritores)