Miskito
De Wikipedia, le encyclopedia libere
Le miskitos es un gruppo ethnic indigena de America central. Su territorio se expande desde Cabo Cameron in Honduras, usque Rio Grande in Nicaragua. Alcunos parla le miskito; nonobstante existe grande gruppos de parlantes de miskito creolle, espaniol, rama e alteres. Le miskito creolle proveni del contacto frequente con le brittanicos. Le majoritate es christianos.
Actualmente multo pauc miskitos es de sanguine pur, ben que trans le seculos le cimarrones se refugiava e se misceva con illes. Lor territorio es multo inaccessibile, e per consequente esseva isolate del conquesta espaniol del area.
Le societate traditional miskito es multo structurate, con un structura politic clar. Il habeva un rege sed ille non habeva le poter absolute. Iste poter esseva dividite inter ille, un governator, un general, e durante le decennio de 1750, un admiral. Le information historic del reges sovente es diffuse proque multos de illes esseva semi-deitates, e usque 1687 non existeva registros del prime rege confirmate, Jeremy I.
Iste methodo permitteva al village miskito mantener su independentia durante le mandato espaniol e in le Provincias Unite de America Central. Totevia illo esseva includite in Honduras in 1894.
Debite al interesses economic del britannicos in America central (specialmente de Honduras Britannic, hodie appellate Belize), le miskitos esseva capace de acquirer armas e plus armamentos moderne. Le britannicos tamben creava in Nicaragua un pais intendite pro le miskitos. Tosto, unite exploratores miskito e zambos comenciava a attaccar establimentos espaniol in Honduras, alcun vices pro liberar sclavos miskito ante que illes esseva inviate a Europa, sed plus frequentemente pro insclavisar altere indigenas (durante multe tempore, le miskitos se considerava superior a altere tribos del region, a qui illes referava como "salvages".
