Nicaragua
De Wikipedia, le encyclopedia libere
Nicaragua (espaniol: República de Nicaragua, API: re'puβlika ðe nika'raɰwa) es un republica in America Central. Ben que illo es le nation le plus grande in le region, illo ha un del populationes le minus grande. Le pais es confinate al nord con Honduras e al sud con Costa Rica. Su litoral occidental es al Oceano Pacific, e le latere oriental del pais es al Mar Caribe.
Le nomine del pais se deriva del Nicarao, un tribo que parlava le lingua nahuatl e habitava le costas del Laco de Nicaragua ante le conquista espaniol del Americas, e del parola espaniol agua (aqua), debite al presentia del grande lacos Laco de Nicaragua e Laco de Managua in le region.
Al tempore del conquesta espaniol, Nicaragua esseva le nomine date a un banda stricte de terra inter le Laco de Nicaragua e le Oceano Pacific. Chef Nicarao regeva iste territorio quando le prime conquisitores arrivava. Le termino se applicava al fin, per extension, al gruppo habitante ille region: le Nicaraos o Niquiranos.
Le tribo de Nicarao migrava al area de regiones septentrional post le cadita de Teotihuacán, al aviso de lor leaders religiose. Secundo le tradition, illes debeva viagiar al sud usque illes incontrava un laco con duo vulcanos surgente ex le aquas, e assi illes stoppava quando illes attingeva Omtepe, le insula vulcanic a aqua fresc le plus grande in le mundo.
Pecietta concernente geographia
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.
[modificar] Politica
Fronte Sandinista de Liberation National
