Yama

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Bathara Yama, iku miturut kaparcayane agama Hindu Dewa sing njaga neraka. Yama iku sawijining paraga kang ana ing sadéngah kabudhayan lan agama.

Ing Hindhu,Yama iku ginambaraké kanthi kulit ijo lan abang. Klambiné abang lan numpak kebo. Ing Crita Hindhu, Yama iku putra Bathara Surya, déwa srengéngé. Dhèwèké nduwé sedulur kembar, yaiku Yami (utama Yamuna). Ing Wedha, pasangan iki manungsa kang sepisanan urip.

Ing crita Tibet, Yami iku sing dadi dèwi tukang njabut nyawa, déné Yama iku kang dadi raja ing ndonya peteng. Paraga Yama iki ana uga ing mitologi Cina lan Buddha, kang ora béda akèh marang crita asalé, yaiku Hindhu.

Jeneng Yamadipati mung ana ing pewayangan. Ing kéné, Yamadipati iku putra nomer wolu Sanghyang Ismaya lan Dewi Sanggani. Yamadipati nduwé garwa Dewi Mumpuni.

Sejatiné, Dèwi Mumpuni iku ora tresna marang Yamadipati. Jejodhoan iki kelakon amarga Mumpuni manut waé marang Sanghyang Manikmaya.

Sawijining dina, Dèwi Mumpuni kepranan marang Nagatatmala, putra Hyang Anantaboga. Pungkasané, Dèwi Mumpuni mlayu seka Yamadipati lan urip bareng Nagatatmala.

Yamadipati kondhang amarga tukang njabut nyawa ing pewayangan, kaya déné ing crita Hindhu.